體嘢？你自己睇緊啲乜嘢？｜總編手記

多謝Keyman（馬啟仁）嘅邀請，我同Nic喺日前去HKU Space分享體嘢嘅發展歷程，同每個學員交流對於體育媒體發展嘅睇法。

體嘢成立左6年。我哋重視分析技戰術嘅節目，結合體育同社會嘅視野，同讀者、聽眾嘅互動，直到而家仍然係體嘢嘅價值所在。

對好多準備或者正在經營社交媒體嘅朋友嚟講，當下係一個去大台化嘅年代，大家更唔需要擔心自己嘅角度、選材會偏離主流、過於小眾。堅持自己嘅理念，方可以引起受眾嘅共鳴，繼而確立自己嘅定位。

當然，社交媒體嘅發展係一日千里。體嘢既要適應社交媒體嘅潮流，營運上仍有唔少挑戰。

而社交媒體嘅核心精神，始終係不同嘅人建立關係。體嘢嘅讀者、作者群，係我哋不斷進步嘅動力。

體嘢編輯部

資訊浩瀚；東張西望。
竭盡所能；深入求真。
企高一格；全新體法。