羅渣士的蛻變 | 蔣美葉
首先恭喜李斯特城首奪英格蘭足總盃冠軍！
No Offence，但見到羅渣士係領先後作出多個銳意加強防守嘅調動，佢終於願意稍為放低其一貫足球哲學理念 —— 控球大於一切。
曾經羅渣士喺利物浦時講過呢番話…
“When you’ve got the ball 65-70% of the time, it’s a football death for the other team…It’s death by football.”
結果論，一次又一次盲目堅持理念而落得「貪勝不知輸」嘅評語。至於係邊幾次，我諗利迷都記得好清楚。
已經唔記得係睇 Michael Cox 定其他文章，提到足球教練大概只分兩類：1. 貫徹理念型，深信只要將其理念發揮至極致則攻無不克；2. 睇餸食飯型，就球隊陣容、對手風格等而不斷調整戰術，務求做到 1+1 大於 2 嘅結果。巧合地，這兩類型教練嘅佼佼者都曾執教利物浦，前者正是羅渣士，後者則是賓尼迪斯。
堅信自己的足球理念無錯，但若果一而再再而三，即使被同一舊石子拌到卻仍然一意孤行則恐怕只會如當年唐英年所言「剛愎自用，最終落得車毀人亡嘅下場」。
常言道，窮則變，變則通。羅渣士今日嘅變，立竿見影為佢帶嚟英格蘭本土第一個重要錦標！
恭喜羅渣士！
恭喜華迪！
另外繼簡迪後，李斯特城又出多一個世界級中場，佢叫泰利文斯！
資訊浩瀚；東張西望。
竭盡所能；深入求真。
企高一格；全新體法。
