國際足協拍板卡塔爾辦世冠盃，利物浦必須參加｜Liverpudlian Ty
較早前，有唔少可靠媒體都報道，嚟緊嘅世界冠軍球會盃會有大改革，國際足協通過會喺 2021 年實行，所以 2019 及 2020 年會停辦，亦都導致利物浦未能以今屆歐聯冠軍身份參加呢項賽事。但係，歐洲球會協會 (ECA) 揚言杯葛新形式舉辦嘅世冠盃，所以屆時歐洲會有咩球會踢 2021 年開始，以新形式舉行嘅世冠盃，仍然係未知之數。
今日睇到消息，關於 2019 及 2020 年世冠盃嘅情況，或會有所轉變。首先，根據 The Associated Press 嘅國際體育記者 Rob Harris，今年嘅世冠盃仍會續辦，並且會喺 12 月舉行，但係地點有待確定。嚟緊 2019 及 2020 年嘅世冠盃，會繼續以 7 隊參賽嘅形式舉辦。如果係咁嘅話，即係話利物浦會以應屆歐聯冠軍嘅身份，喺 12 月份參加 2019 年嘅世冠盃。
根據 The Associated Press 嘅 Rob Harris 及 Graham Dunbar，卡塔爾將會舉辦 2019 及 2020 年嘅世界冠軍球會盃。據消息指，國際足協將於星期一較後時間，確認卡塔爾喺今年及下年 12 月，舉辦由 7 隊球隊角逐嘅世冠盃賽事。該等消息人士唔願意透露姓名，因為佢哋並冇被授權喺會議之上談及選擇舉辦地點嘅資訊。
呢個賽事將會測試卡塔爾係咪已經準備好舉辦 2022 年世界盃，到時會有 32 隊國家隊參加，而唔係 48 隊。世冠盃將於 2021 年擴大規模，到時會有 24 支球隊參加，每四年舉行一次。
AP Sources: Qatar set to host next 2 Club World Cups
