高普：罰錢都要照講，成班球員係好X勁嘅偉人！｜體嘢報道
利物浦在歐聯次回合上演神奇逆轉勝，以4-0擊敗巴塞隆拿（兩回合總比數4-3）並昂然晉身決賽。賽後，領隊高普忍不住大讚每位為紅軍奮力作戰的球員：「佢地真係好X神奇！」
在賽後接受電視台訪問時，高普說：「喺晏菲路嘅每一位都知道，呢隊利物浦永不停步，呢隊利物浦永不收掣，呢隊利物浦無時無刻竭盡全力。太犀利，簡直係勢不可擋。我地要同世上最強球隊抗衡。贏波本身好困難，但要贏波之餘保持不失球，就係神奇。」
「而家已經係10點10分，小朋友都上晒床睡覺。呢班男人真係好X勁嘅偉人，要（因為爆粗）罰錢我都咁講，我又唔係本地人但我真係詞窮、唔識形容嘛。我見到占士米拿完場之後喺球場喊埋！對我地來講，呢一刻意義深刻，係足球運動嘅最好一幕。世上有好多更重要嘅事，但創造感動人心嘅時刻真係好特別，一切都係歸功於球員。」
「我呢世人睇過好多波，未見過有場咁嘅比賽。」「你要對比賽滿懷信心，就好似今仗。奧歷治、沙基利今季上陣唔多，但可以踢出呢種表現，十分關鍵，亦體現喺足球世界有咩係可能。」「我地要認真，有時候亦要膽大妄為。巴塞當然會一如所料地固守，但你有時候亦要出其不意。眼見個波飛入龍門（奧歷治頂成4-0）一刻，活賓（Ben Woodburn）仲問緊我：發生咩事？」
資訊浩瀚；東張西望。
竭盡所能；深入求真。
企高一格；全新體法。
