一衫一意 – 2001/02 AS羅馬盃賽專用波衫｜意甲大本營
講到波衫設計，AS羅馬都可以講係意甲最佳之一，同時亦出過唔少經典款式，其中當然要數到01/02球季嘅盃賽專用波衫喇。
同傳統嘅純色主場波衫不同，羅馬呢一件波衫好鮮有地分成螺紅同橙色兩邊，令到件波衫着起身，成個人都顯得更加修長。而海軍藍嘅點綴就令成件衫嘅風格多咗一分沉穩。話說當初呢件波衫背後嘅字本來都係用上海軍藍，不過由於深藍配深紅好難睇得清，所以去到第二場就改成咗更加顯眼嘅白色字。另一樣可以留意嘅就係呢一款嘅球迷版個意甲章係無紅色框框嘅，只有球員版先有，所以想要收藏嘅朋友記得留意翻喇。
此外，當年嘅羅馬亦都係滿天星閃閃，剛剛拎完意甲已經夠勁，陣中既有「狼王」托迪，又有「戰神」巴迪斯圖達，令到呢件波衫嘅經典指數馬上升咗幾個level。
大家又記唔記得當時嘅羅馬仲有咩球星呢？
