為 FIFA 19 作準備 | 蔣美葉
全球機迷引頸以待，準備月尾投入全新卻仍舊充滿 lag 機、Connection Problem、Delay Button、Handicap、AI 造假嘅 FIFA 19 世界。
面對 lag 機、斷線、找不到對手、手掣反應遲緩，可曾想過換機，500GB換1TB、PS4換PS4 Pro、實體版轉下載版、較低Graphic Resolution、換寬頻、換ISP、換Router、無綫變插綫、換電競手掣、手掣轉USB傳輸等等等等。
上述種種，最有效的始終還是保持機身散熱良好。至於ISP問題，香港咁細，唔同區唔同大廈都表現大不同，唯有自求多福鄰居都不是 BT 狂人或早睡早起，香港時間清晨 0700 至 1100 是多年經驗所告知最順最快的時段。至於 PS4 同 PS4 PRO，當然 PRO 會快啲，但一直以嚟慢嘅都唔係你部主機，而係 EA 個爛 server，換唔換 PRO，豐儉由人。實體版與下載版，有說下載版會快一點，無錯，但都只限「啟動」遊戲嗰一下，其他入 game 後嘅種種皆分別不大。調低 graphic resolution 同手掣轉USB傳輸，確實是有效，由 1080P 轉成 720P，Reddit 上有玩家曾測試圖像處理速度快了大約 0.08 至 0.2 秒，而手掣由無綫變成插綫傳輸，則有內地玩家測試反應由 0.05 至 0.1 秒嘅延遲下降至僅 0.03 秒左右。不過，兩個動作加埋都快咗唔夠 0.5 秒，真係咁大分別？
除咗保持機身散熱良好，另一點值得玩家留意嘅係，遊戲時，僅記暫停其他各種更新。若然如何準備得天衣無逢，萬事俱備，打咗半鋪依然覺得節奏、速度、反應不尋常，還是勸閣下不妨結束遊戲，重新啟動，好重新與 EA 部垃圾 server 連線，碰運氣重配另一條連接路俓或連接口。何解？因為你部主機要連到去 EA server，途經多部所謂不同「中轉站」卻十之七八都是廢嘅 server。
若果重開又重開，都感覺不大，不妨再徹底一點，熄機、抆 lan 線、熄 router、熄 modem (如有)，等個十秒，重開 modem、插線、開 router、開機，去 [系統] -> [網絡] -> [測試網絡連線]，上下載各 40MB 已經好夠做，因為都係嗰句，慢嘅唔係你，慢嘅係 EA 部垃圾 server。
不過，搞咁多依然係成日輸，可能廢嘅其實真係你……
