浪費歐聯名額嘅奇恥大辱？意甲女神導賞團2021｜Isaac Yts
引言
各位體嘢嘅讀者大家好。伴隨時代嘅進步，足球戰術可以由意識型態、用人、企位、甚至死球，數據科學，教練用人等等千變萬化，陣式嘅數字甚至只可以戰術嘅表面一層，更加唔好提咩三中堅能否主攻，4231是否破密集神器呢啲所謂理論。而足球除左大家熟知嘅英超同皇巴拜之外，其實仲有好多非常高質，甚至比某啲為人熟知嘅英超球隊比賽更加精彩，含金量更加高。
所以希望借唔同嘅文章同影片，甚至運用數據去剖析唔同值得大家留意嘅球隊同啲戰術，務求為大家帶嚟細緻、認真、多元同理性嘅足球戰術分析。
意甲喺近季都出現左唔少踢法新穎嘅球隊，由加斯柏連尼帶領嘅亞特蘭大就係其中表表者。被指「浪費意甲歐聯名額」，但卻於1920賽季以黑馬姿態打入歐聯8強，其瘋狂壓迫嘅踢法更令人眼前一亮。
I. 戰術簡介
亞特蘭大係一支攻力強擊嘅球隊。講下數據先，亞特蘭大1920球季意甲預計入球（Expected Goals）為82.01球為全意甲之冠，同時都攻入98球冠絕意甲。亞特蘭大嘅球員雖然未必有最高嘅質素，但表現出嘅流動性卻可以俾某啲豪門球隊更加強。
以下將以意大利盃四強次會合亞特蘭大迎戰拿玻里的賽後分介紹球隊戰術的風格。
亞特蘭大排陣一般3412，而迫搶會以製造1v1等人數優勢進行，故在中路一般以遮綫和限制傳球選擇為主，而邊路則會瘋狂式迫搶，球員會不惜犧牲離開位置將空間收窄有利迫搶；亞特蘭大的3412會以邊路為重心，故3412的兩邊皆會有以四人組成的菱形進行組織和反搶。四人菱形通常以1前鋒、翼衛、中場和中堅組成，但亞特蘭大球員適應力和流動性強，故場上位置轉換（Positional Interchange）十分常見，例如前鋒如Muriel常回撤參與防守，而翼衛Gosens和中堅Toloi等更常參與前場進攻和入球，而中場如DeRoon就常移後補位。球員角色當然並不會全場固定，而會因應不同情況進行調換；而其快速靈活的轉換和進攻更會令對手反應不來，故入球多不勝數；而雖然亞特蘭大瘋狂式迫搶令其更易搶返控球，但係亦會容易暴露身後空位而為對手所利用，可謂「入得又失得」；而亞特蘭大球員防守技術未達上乘之下亦會常以犯規阻止對手推進，故球員常獲黃牌（意甲場均2黃）；而球隊瘋狂式迫搶亦會耗費球員大量體能，對於隊中老將耗費甚大，而亦做成比賽後勁不繼的情況。
重點球員
Ilicic: 球隊老大哥，擁有強大進攻組織力，A.Gomez離隊他投後成為球隊組織核心
Muriel: 射術了得，前季收獲18球（Xg 13.8球），上季更攻入22球（Xg 16.8球）成為球隊神射手
Gosens: 身為左翼衞嘅佢流動性高，可以墮後組織，同時入禁區入波，上季收獲11球
Pessina: 可勝任防守中場，中場中，進攻中場甚至偽9號，後上力強，踢法有如林柏特、謝拉特
大概知道呢支「意甲之恥」係咩料之後，就可以留意下今季嘅亞特蘭大。
II.轉會窗新兵一覽
亞特蘭大今季嘅收購都相當積極，喺唔同位置都有所引入，而且新兵各有特色，相信能夠為女神今季提供更多唔同嘅元素。
A. Juan Musso
基於上季兩位「良心之選」Gollini定Sportiello惡劣嘅表現都無法給予人足夠信心之故，今年27歲嘅阿根廷門將Juan Musso由意甲球會烏甸尼斯加盟亞特蘭大，絕對是防線嘅一大補強。以下將以上季意甲數據，將兩位亞特蘭大門將Pierlugi Gollini同Marco Sportiello，烏甸尼斯嘅Juan Musso同意甲最佳門將Gianluigi Donnarumma作比較。
首先，Musso雖然失波最多（Goal Against: 51， 1st），但為中下遊球隊烏甸尼斯較為遜色嘅防守體系之下，失球較多都可以諒解；反而可以留意Musso嘅撲救成功率比2位亞特蘭大門將，甚至是意甲最佳門將都為高（ Save%: 72.9， 1st），可見Musso嘅把關都相對較為穩陣。
而在預計失球（Expected Goal Against）方面，Musso嘅成績相當唔錯，佢場均實際失球比預計失球是少了0.08球，即是整季失少了2.7球，雖然實際數量並不是太多，但在Gollini和Sportiello都比預計失球失了更多球時，Musso就絕對擁有更高嘅質素；不過，因烏甸尼斯一向採取低位防守和穩守反擊嘅戰術，用波能力的要求和防線的深度都相對較低，所以Musso在用波和出迎方面嘅數據相對較為失色，佢呢方面嘅表現都仍有待觀察。總括而言，Musso嘅把關絕對比Gollini和Sportiello為穩陣，而且正值當打之年（27歲），絕對是女神一大強援。
B.Merih Demiral
23歲土耳其土堅Demiral今季由祖雲達斯外借到亞特蘭大，而加斯柏連尼似乎希望土耳其人取代5000萬鎊轉投英超球會熱刺嘅Cristain Romero。然而由數據而言，Demiral嘅打法似乎同Romero相差甚多。例如開鑼戰對拖連奴一戰中，佢嘅打法非常被動，好多時喺單對單防守上都唔敢落腳，好需要隊友幫佢清，而且進攻參與都不大。
而數據上都引證都以上論點：防守方面，根據FBref嘅數據，Demiral場均對持球對手施加壓力嘅次數（Pressures）遠比亞特蘭大嘅所有中堅為少（Romero 17.2次 VS Demiral 10.2次），而且成功率都為低（Romero 35.6% VS Demiral 29.2%）。而在己方防守區域對持球對手所施加嘅壓力中（Def 3rd），Demiral嘅5.87次則列於兩位邊中堅Toloi和Djimsti之上。
用波方面，Demiral則在場均傳球數（Cmp: 56.9， 1st），場均成功傳球數（Att: 61.2， 1st） 以及場均總傳球距離（ProgDist; 326.4， 1st）高於所有亞特蘭大嘅中堅球員，另外都可見Demiral比女神嘅中堅們會較偏向作出中距離（15-30碼）嘅傳送（ Medium Att: 33.8次，1st）。然而Demiral嘅傳球進取性都相對為低，向前傳球數（向對手龍門最少向前10碼）為最低（Prog: 2.02， 5th），另外進入對手18碼區域嘅傳送（PPA:0， 5th）同進入對手場區最接近龍門1/3區域嘅傳球數（⅓: 1.83， 4th）都相對較低。由此可見Demiral是一個防守和進攻參與都偏向保守嘅中堅，要打出上季Romero勇悍上搶嘅踢法都需要一定時間鍛練。（以上由上季意甲數據作出比較）
C. Davide Zappacosta， Giuseppe Pezzella
亞特蘭大固然有Robin Gosens， Joakim Maehle以及Hans Hateboer等等一流待翼衞，但上季Hateboer受傷患困擾沒有太多出場機會，Gosens和Maehle都負擔了很多嘅上陣時間；而今季亞特蘭大引了兩位翼衞球員，分別是上季由車路士外借加盟熱拿亞嘅29歲意大利翼衞Davide Zappacosta，以及是由帕爾馬加盟嘅23歲意大利左閘Giuseppe Pezzella。
（圖: Zappacosta射門數據）
Zappacosta上季在熱拿亞曾任職兩邊翼衞，而佢嘅入球能力都有一定質素。Zappacosta的場均入球為0.18球（全季入4球），位列上季意甲閘位的第92百分位，成績相當良好；而且佢射門次數場均達1.89球，位列第98百分位，即使在射門中目標只有30.2%，都反映佢非常願意作出射門嘗試；而且Zappacosta嘅射門距離雖只位列第32百分位，但20碼的成績都是比Gosens的11.5碼和Maehle的18.5碼為遠。
不過Zappacosta的防守質素就相對失色，在向對手持球球員施壓嘅次數雖然最多（Pressures: 16.1次），，但成功率方面（Successful Pressures %）Zappacosta只錄得41.1的成功率，場均攔截方面只有0.7次，相對於Gosens， Maehle等就相對失色。
Pezzella方面就是一個較為傳統嘅閘位球員，場均1.77次落腳，1.18次攔截雖只是中規中矩嘅成績，但都比Gosens， Maehle同Zappacosta為好，不過入球能力方面就相對失色，進攻參與都比較少。
D. Matteo Lovato
除了Demiral以外，亞特蘭大還由意甲球會維羅納引入司職中堅，21歲嘅意大利小將Matteo Lovato。Lovato雖年紀輕輕，但已是意大利U21國家隊成員。
防守數據1
防守數據2
傳球數據
Lovato嘅防守數據中，在已方場區15至30碼場區向對手施壓（Pressures Mid 3rd）的成功次數有4.68次和36.2%的成功率，分別位列第83和72百分位， 而在空中爭頂成功次數為3.64次位列第93百分位，反映Lovato的制空力都還不錯，但落腳方面就約維持60至70%的百分位，仍有改善空間。此外Lovato嘅用波數據都比較失色，場均41.01次傳球和33.31次成功傳球都位列第7個百分位，向前傳球（1.82次）都只是在第16位；傳球成功率方面Lovato只有84.2%嘅短傳成功率只能列於第1個百分比，而整體上Lovato的傳球成功率（81.2%）都只是位列第11個百分比；不過，以上數據都受限於維羅納嘅戰術，而且於拖連奴一役中Lovato後備換入司職右中堅表現出的靈活性，反應和防守都相當不錯，故他在亞特蘭大的成長絕對值得期待。
E. Teun Koopmeiners
最後一單收購，亦是令女神球迷最為興奮嘅一單，就是由荷甲球會亞爾克馬爾加盟嘅23歲中場Teun Koopmeiners。
Koopmeiners不但是球隊隊長，是荷蘭青年梯國家隊嘅常規主力，近日亦被召入成年國家隊。荷蘭人的萬用性非常高，能司職中堅，防中和中場中的位置，而佢最大的賣點就是進攻參與，上季荷甲荷蘭中場攻入15球並交出5個助攻，成為球隊神射手。
Koopmeiners作為防守中場，擁有不俗的預判能力（Padj Blocked Passes: 85.3百分位）和攔截力（Padj Tackles: 86.8百分位），但佢最出色的地方是進攻參與，向前傳球（Progressive Passes）位列93.1百分比，進入對手危險區域的傳送（Passes into Final Third）位列93.4百分位，進入對手禁區的傳送（Passes into Penalty Area）位列90.2百分位，上季聯賽都攻入15球5助攻成為球隊神射手；另外荷蘭人亦擅於處理死球。不過阿爾克馬爾的戰術偏向傳球多於盤扭，所以Koopmeiners的盤扭能力都有待觀察，但大體上荷蘭中場嘅加盟絕對能增加後場對進攻的直接供應，也能加快中後場的轉變能力和防守力。
轉會總結： 今季女神的轉會的確能增強中後場，翼衞終於人能輪換，但Demiral和Lovato質素能否彌補Romero離隊嘅空缺仍有待觀察，而且仍需要時間磨合和成長；而且前線並沒有太大補強，Zapata， Muriel， Piccoli， Malinovskyi等人能否持續近季埋門感覺和狀態實在令人擔心。
III.預計陣容
女神今季嘅目標除咗聯賽同歐戰之外應該就係更新換代。由上季後期當成績達標嘅時候，都會見到Gasperini會開始做唔同嘅實驗，例如影片中Muriel-Zapata-Pessina嘅組合，Pessina/Pasalic代任中場，重用Malinovskyi等等，希望以多啲變化應付主力跌Walt嘅問題。而圖裡面紅色（撇除上行球員）會係我覺得嘅正選排陣：可以轉成3-4-1-2/3-5-2嘅3-4-2-1嘅陣式，當然球員都未必係如下圖咁排，相信都會出現唔同嘅組合。
門將
門將方面借走左「良心之選」Gollini之後，由烏甸尼斯引入嘅Musso喺近幾場都交足功課，Sportiello同Rossi相信都無咩機會動搖到阿根廷人嘅正選地位。
預計正選：Musso/Sportiello/Rossi
中堅
中堅方面，今年42.5M賣去熱刺Romero有嘅上搶，回追速度同進取性係陣中好多中堅都未必做到嘅嘢，而相信由祖雲達斯簽入嘅Demiral係想彌補其中空缺，但今季第一場對拖連奴嘅比賽，土耳其人表現出嚟嘅類型似乎偏向係一個逗位型嘅中堅。喺後期階段可以開發到佢嘅上搶固然係好，但個人認為以佢專注力唔高嘅問題，喺邊中堅建立佢嘅上搶同俾波會係一個比較好嘅選擇。相反Palimino喺呢一場表現嘅上搶同進取性比較突出，短期內代替Demiral會係一個合理嘅選擇，而Toloi和Djimsti如無意外都會係正選，不過後場出波相信會是現況難以解決的問題。另外新引入的年輕中堅Lovato開鑼戰後備換入嘅表現相當唔錯，相信先會係以邊中堅發展（個人想佢練中中堅），但正常情況下相信都係第4/5選擇。
預計正選（左至右）：Djimsti/Koopmeiners-Palomino/Demiral-Toloi/Lovato
中場中
中場中方面，因為DeRoon和Freuler呢對老組合喺近季嘅老化同跌Walt， 相信今季Gasperini會好想突破呢套方程式，所以都可以預計季初都會有好多唔同嘅組合。開鑼戰對拖連奴嘅Pessina-Pasalic表現到DeRoon-Freuler做唔到嘅侵略性，同前場嘅換位都有更多，但防守上積極性有餘，但維持緊密之外，喺防守經驗，遮線同制空力都有待改善空間；個人認為技術比較粗糙嘅Pasalic會加入中場中嘅正選行列，並且同DeRoon，Freuler做主力輪換，而Pessina會係第4選擇。另外於8月31日官宣，由荷甲球會亞爾克馬爾以12+2M加盟嘅荷蘭中場Teun Koopmeiners亦都可以任職中場中嘅位置，而且佢仲擁有其他人無嘅長傳同死球能力，不過預計佢需要時間同隊友磨合，未必可以有太多上陣時間。
預計正選：DeRoon/Pasalic/Koopmeiners-Freuler/Pessina
翼衞
翼衛方面相信會係最穩定嘅位置，Gosens和上季下半段和歐國盃打起嘅Maehle相信都會穩佔正選、但就如拖連奴一仗，兩位都會有狀態不佳的時候，甚至會有如上季下半段的傷停狀況，而相信今季會就此作出應對。上季以四中堅Toloi-Romero-Palomino-Djimsti「一字排開」固然是出路，但今季由車路士買入上季於熱拿亞表現亮眼的Zappacosta，由柏爾馬引入的Pezzela以及上季傷患重重的Hateboer相信足以會競爭翼衛的角色；意大利翼衛的錯位遠射，荷蘭人的入楔等等都是一些Gosens和Maehle未必有的元素，不過傷患會係佢地一大挑戰，但都相信左右兩側今季都會出現不同的組合。
預計正選：Gosens/Zappacosta/Pezzela/Sutalo-Maehle/Hateboer/Malinovskyi
進攻球員
前線方面，相信Zapata，Muriel和Ilicic都會是重心球員，但近兩季狀態的起伏和老化問題亦有致上季火力消減的問題。盛傳轉會但留隊的Ilcic相信都是今季的核心，斯諾文尼亞人於拖連奴一仗表現出的支點和較炮能力相信是陣中發動進攻的重心，但佢嘅傷患和體力問題都需要有其他進攻手段作後備方案。擁有出色盤扭和遠射能力的Malinovskyi相信會是出任進攻中場的第一人選，但擁有出色球商，類型有指如Lampard，擁有強勁壓迫力和後上支援能力嘅Pessina亦可給予球隊另一種打法。Miranchuk嘅盤扭和致命傳送也是另一選擇，但俄羅斯人嘅比賽積極性和發揮穩定性仍有待改善；而Lammers嘅墮後組織踢法有望取代Ilicic，但荷蘭小將嘅傳球準繩度和身體對抗仍有上升空間（Lammers已外借法蘭克福）。
而Zapata的支點能力和身體質素在女神前場仍是難以取代，而Muriel嘅速度和入球能力都是非常關鍵，但有如剛剛完結嘅美洲國家盃二人一球不入嘅情況一般，佢地近季都出現狀態不穩的情況，所以上季於史柏斯亞攻入5球嘅小將Picooli都有望上位，呢位意大利人的射手觸覺能否為亞特蘭大取得更多入球亦值得期待。
預計正選：Malinovskyi/Pessina-Muriel/Zapata/Picooli-Ilicic/Miranchuk
而藍色陣容是今季可能試驗4後衛的陣容，選以4-2-2-2是因應合進攻球員的換位。當中右中場填上Cortinovis純屬筆者抱願，呢位喺阿特蘭大U19青年隊打得好好嘅球員可以出任6/8/10位嘅中場球員擁有不俗的傳送能力和球商，相信若然佢能升上一隊相信能夠能改善女神的後場傳送和組織，個人認為積極性高的Pessina亦會和防守動機稍為欠奉嘅意大利小將有唔錯的換位配合。另外因應Koopmeiners嘅加盟可以試試有1個墮後防中嘅3-5-2陣式都有機會，但應都以3-4-2-1為先。
整體上女神應會今季承接上季控球的趨向，但後防穩定性和前線狀態會是一大考驗，博洛尼亞一役中22射3中龍嘅劣績更是令人擔心，而面對擅長防守反擊和於反擊戰把握力良好嘅球隊相信會非常危險；而有上季歐霸冠軍維拉里爾，上季英超亞軍曼聯同瑞超冠軍年青人的歐聯分組賽，有上季歐霸最佳球員G.Moreno， 歐國盃亞軍和世界盃冠軍隊嘅成員，仲有曼聯五大尖刀等實在有太多強如狼似虎嘅世界級球員，實在不敢抱太大期望，只盼打出一場精彩嘅賽事……另外若然大家仍認為意甲又悶又慢人又老水平又低的慢的話，希望不妨留意今季嘅意甲賽事，相信會令各位大失所望了。
（Credit to FBref、Sofascore、Whoscore、Crab Stats Graphics、DA ADMIN GOONER@You Are My Arsenal）
資訊浩瀚；東張西望。
竭盡所能；深入求真。
企高一格；全新體法。
