歐洲超級聯賽︰垃圾都不如，好意思拎出來講的都應該拖出去斬啦︱Tam Daniel
(1) 有聯賽才有歷史、才有 locality，才有 base of fanship，然後才有夢想和信仰，才有失落與痛楚，才有先行者與後來者的對話，人和人之間才有信任，足球才會存在。
足球存在，才有周邊生意、娛樂價值、直播收入、博彩稅金。一整個歐洲大陸都採用這個模式，才有互相接壤的感通，構成「文明」的想像。聯賽在 sporting value 上係牛油麵包，也是足球運動中毫無疑問的最高榮譽。跨聯賽的競技（歐洲比賽），係日常信仰以外的浪漫與冒險。
呢啲真係好撚基本的邏輯。
這就是點解香港足總兩次挽留南華會唔降班，係幾撚咁幼稚和嘔心。唔好話我知呢啲係足球。輸左冇代價的話，亦等如贏波毫無價值。
有朋友話 NBA 都冇降班，你咪照睇？係呀，franchise 制度之下，金主一個 business idea，Seattle Supersonics 突然有日變成 Oklahoma City Thunder。你可以忍受，因為你不是住在西雅圖，不是超音速迷咁囉。
Fanship is everything，不保護 fanship 的制度，歷史可以隨時被抹煞取消的制度，可以觀賞，但那只是競技。再高水平的競技，也不過只是競技。你踢得叻咪自己踢飽佢囉，關我地撚事咩。
(2) 邊個開始破壞（undermine）歐洲各地聯賽的呢？係歐洲足協自己。取消歐洲冠軍球會盃、成立歐聯，已是足球死亡的開始。點解聯賽第二也可角逐歐洲冠軍？咁第一仲有乜意義？皇馬和巴塞，根本永遠不應該在同一屆歐洲賽事中出現。點解一季閪咁撚多場歐洲波的呢？今年歐霸，有178隊波參加，又外圍賽又分組賽。
(3) 今次亦係好好笑。坦白講，各地賽會與歐洲足協即時 suspend 12支球會目前的聯賽球會牌照、取消佢地今季所有成績就是了。唔是唔敢吧？鬧黎做咩？決裂囉。
(4) 我不會為利物浦傷心，they simply don’t deserve my feelings。但如果有歐超聯的話，像我這種曼迷，等左幾十年的「曼聯降班（至跌出職業聯賽）」已再冇意義。咁1999年的費格遜，就真係永遠的大贏家了。
聲稱反對的歐足協，與聲稱反對歐超聯的個別政府，其實手握所有權力。如果唔敢做，就唔好話反對了。
1) 目前12支歐超聯創辦球會應即時至少被扣10分（其實30分-50分才合理）並取消今季歐賽資格（如適用）。無論如何，此懲處不會取消。
2) 12支球會1個月內不退出或收回建議的話，各地足總應吊銷其球會牌照或公司註冊。所有上巿公司應停牌，打官司囉。
3) 12支球會1個月內不退出或收回建議的話，任何職球員領隊與該等球會的合約，應被視作暫時無效。同時球員註冊要被全部取消。
4) 若參與歐超聯計劃，職球員領隊應被終身禁止參與任何歐洲足協成員國之體育賽事，及不可進入任何歐洲足協成員國的體育場館。去卡塔爾或者北京踢啦。
5) 12支球會1個月內不退出或收回建議的話，12球會的所有租用或擁有土地，應被徵收一年。歐超聯計劃一旦實質舉辦，政府應永久徵收該等土地，重新分配作其他用途。
6) 打官司啦！咁撚多錢丫嘛。一停牌睇你點。
利申︰唔信歐洲足協有 guts，但球迷會有 final say
