利物浦物理治療師轉投卡塔爾國家隊 ｜ Liverpudlian Ty
利物浦嘅物理治療師柏德列治（Richie Partridge）將於 3 月離隊，轉投卡塔爾國家隊。
現年 39 歲嘅柏德列治，喺利物浦擔任呢個職位已有 9 年，佢本身喺球員時代亦都效力過利物浦，司職翼鋒。
柏德列治喺 1997 年加入利物浦，成為學徒球員，為利物浦踢過 3 場聯賽盃嘅賽事，並且曾代表愛爾蘭 21 歲以下國家隊。喺 2005 年，柏德列治離隊轉投錫周三。
當柏德列治仲係一名球員嘅時候，已經學緊點樣成為一個物理治療師。佢喺 Salford University 取得一級榮譽畢業，並且喺 Edge Hill University 取得足球復康嘅理學碩士學位。
其後佢返回利物浦，擔任青訓學院嘅兼職物理治療師，喺 2011 年成為全職物理治療師。5 年之後，晉升為一隊嘅物理治療師。嚟緊佢喺卡塔爾，會喺著名嘅 Aspatar 工作。
喺最近呢幾個月，利物浦嘅醫療團隊有一定嘅人事變動。先有 Head of Medical Services，有「藥王」之稱嘅 Andy Massey 將於 3 月尾轉投國際足協，並且將會以來自阿仙奴嘅 Gary O’Driscoll 取代其位置。此外，Lee Nobes 喺 2018 年尾由曼城來投，成為利物浦嘅首席物理治療師，取代現時喺格拉斯哥流浪嘅 Matt Konopinski。
如欲優先下載《體波台》、《Stretford End》、《The Boot Room》及《Invincibles》等多個足球評論節目，請加入體嘢贊助會員計劃。方法如下：
1. 下載Patreon手機程式及開通帳戶；
2.搜尋體嘢專頁（patreon.com/sportsyeah)並訂閱體嘢；
3.支付5美金月費（相等於39港元）。
