利物浦將向明尼路出售巴西中場阿倫 | Liverpudlian Ty
根據巴西媒體 Globoesporte，現年 22 歲，外借往巴甲球會富明尼斯嘅利物浦中場球員阿倫洛迪古斯（Allan Rodrigues），將會加盟另一間巴甲球會明尼路，轉會費 €3M (即係 £2.5M)。
經過漫長嘅談判，明尼路終於就羅致阿倫洛迪古斯嘅事宜，與利物浦達成協議，預料喺未來幾日會有官方宣佈。
除咗明尼路之外，富明尼斯及聖保羅都對阿倫洛迪古斯有興趣。喺投資夥伴嘅協助下，明尼路將會以 €3M 轉會費 (即係 £2.5M)，買下阿倫洛迪古斯 80% 嘅所有權，合約為期 4 年。現時明尼路未有官方宣佈，不過相信喺未來幾日會有公佈。
本身司職中場嘅阿倫洛迪古斯，喺 2015 年以 £500,000 轉會費，由巴甲嘅國際體育會加盟利物浦。但係由於未能取得工作證，所以佢從來未正式為利物浦上過陣，並隨即進入被外借嘅生涯。喺呢幾年，佢先後被外借往芬蘭球會 SJK、比甲球會聖圖爾登、德甲球會哈化柏林、塞浦路斯球會利馬素爾、德甲球會法蘭克福及巴甲球會富明尼斯。雖然不斷被外借，但係仍然未能取得工作證，為利物浦上陣。相信阿倫洛迪古斯加盟明尼路之後，能夠暫時告別不斷外借嘅「浪人」生涯，得以安頓下來。
如欲優先下載《體波台》、《Stretford End》、《The Boot Room》及《Invincibles》等多個足球評論節目，請加入體嘢贊助會員計劃。方法如下：
1. 下載Patreon手機程式及開通帳戶；
2.搜尋體嘢專頁（patreon.com/sportsyeah）並訂閱體嘢；
3.支付5美金月費（相等於39港元）。
