英超賽會擬批准利記印上世冠章比賽……一日 ｜ Liverpudlian Ty
根據 The Telegraph 嘅 Chris Bascombe，英超賽會批准利物浦可以穿上印有世界冠軍球會徽章嘅球衣喺聯賽上陣，但係只限一場。
英超賽會接納利物浦嘅申請，俾佢哋同球迷一齊慶祝得到世界冠軍球會盃嘅成就。不過，只係限於 12 月 29 日對狼隊嘅聯賽。
喺咁嘅情況下，宜家仲要視乎利物浦能否及時得到特別印上世界冠軍球會徽章嘅球衣，以便趕及喺 12 月 29 日對狼隊嘅聯賽中穿上。
呢個國際足協嘅金章，被形容為成為世界冠軍球會嘅「尊榮標誌」。當贏得世界冠軍球會盃之後，利物浦已經隨即發出聲明，向外界解釋只係喺歐聯賽事，先至可以穿上印有世冠徽章嘅球衣上陣。如果想喺英超賽事都可以的話，就需要向英超賽會作出正式嘅申請。
利物浦宜家要同時間競賽，但係佢哋未收到來自國際足協嘅徽章，而國際足協就想進行一個正式嘅頒獎禮。
喺 2006 年，由意大利贏得世界盃開始，國際足協為頂級嘅錦標賽事，引入一系列嘅金章。至於世界冠軍球會盃嘅冠軍金章，就係喺 2007 年開始嘅。利物浦係自曼聯之來，第一間能夠喺球衣印上世冠金章嘅英國球會。
呢項尊榮受到利物浦球員嘅歡迎，佢哋希望喺成為世界冠軍嘅 12 個月內，擁有反映其成就嘅象徵。
一名國際足協發言人表示：「根據使用指引，成為冠軍嘅球隊，由成為冠軍嗰日開始，可以一直使用國際足協嘅世界冠軍徽章，包括下屆比賽嘅決賽。」
呢個徽章，將會係利物浦喺球迷面前，展示獲得錦標嘅一個方式。因為喺宜家咁緊逼嘅賽程之中，唔可能同球迷進行更大型嘅慶祝活動，加上奪得英超冠軍，係相當重要嘅任務。
利物浦現時想令到球迷見證佢哋最近所得到嘅錦標之餘，同時亦都力求結束長達 30 年嘅聯賽冠軍錦標嘅等待。
無論由宜家到 5 月期間發生啲咩事，利物浦喺 2019 / 20 球季嘅最後一場主場賽事之後，都肯定會由球員展示歐洲超級盃及世界冠軍球會盃嘅獎盃。 但係，佢哋對爭取錦標嘅雄心，當然唔會就此結束。
如欲優先下載《體波台》、《Stretford End》、《The Boot Room》及《Invincibles》等多個足球評論節目，請加入體嘢贊助會員計劃。方法如下：
1. 下載Patreon手機程式及開通帳戶；
2.搜尋體嘢專頁（patreon.com/sportsyeah)並訂閱體嘢；
3.支付5美金月費（相等於39港元）。
