Melissa Reddy：南野拓實篤定明年一月投利物浦 ｜Liverpudlian Ty
根據 The Independent 嘅 Melissa Reddy，利物浦同意於一月羅致薩爾斯堡紅牛嘅日本國腳南野托實。
呢位日本國腳合乎高普需要球員有技術，勤力兼且具備效率嘅要求，並且有持續要求自己進步嘅態度。
利物浦擊敗來自曼聯嘅挑戰，成功與奧地利球會薩爾斯堡紅牛就南野托實嘅轉會達成原則上嘅協議，解約條款只需£7.25M。
薩爾斯堡紅牛體育總監科達（Christoph Freund）於今周表示，現年 24 歲嘅南野托實喺球會效力咗 5 年之後，已經準備前往歐洲其中一間頂級球會，加速其個人發展。
利物浦與薩爾斯堡紅牛喺球場外嘅關係唔錯，利物浦 £50M 嘅新訓練基地，亦都係來自該奧地利冠軍球會嘅啟發。喺南野托實嘅轉會，佢哋亦都幫助利物浦突破來自曼聯及幾間德甲球會嘅挑戰，得到呢位日本球員。
南野托實本身係預計下一站會前往德甲，但由於佢謙虛嘅性格，據悉佢對英超聯賽榜首球隊利物浦嘅大力追求感到驚訝。
薩爾斯堡紅牛體育總監科達表示：「佢係一位出色嘅球員，亦有相當好嘅品格。有大球會注視佢同埋如果我係佢哋嘅話，係會毫不猶豫簽下佢。南野托實已經準備好喺一月邁向事業嘅新一頁。」
薩爾斯堡紅牛曾經動用合約條款，將南野托實嘅合約由舊年 2 月延長至 2021 年。如果冇解約條款嘅話，該奧地利球會係可以輕易地索價超過 £25M 轉會費。
南野托實喺歐聯對利物浦有出色表現之前，利物浦已經欣賞佢。利物浦一直都有留意該球會出產嘅球員，文尼及拿比基達亦都係來自薩爾斯堡紅牛嘅優質產品。
呢間奧地利球會以羅致高質素年青年球員，俾機會佢哋成長及發展成為職業球員而馳名嘅。
南野托實合乎高普需要球員本身要有技術，兼且具備效率嘅要求，並且有持續要求自己進步嘅態度。
佢嘅年紀亦都合乎利物浦嘅引援政策，並且從中亦都能夠為球會增加商機。
如欲優先下載《體波台》、《Stretford End》、《The Boot Room》及《Invincibles》等多個足球評論節目，請加入體嘢贊助會員計劃。方法如下：
1. 下載Patreon手機程式及開通帳戶；
2.搜尋體嘢專頁（patreon.com/sportsyeah)並訂閱體嘢；
3.支付5美金月費（相等於39港元）。
