艾馬利被炒實屬必然，捱到11月已經賺咗｜李聲揚
1. 先此聲明，今季好似一場阿仙奴都冇睇過。覺得冇資格寫嘅，可以唔使睇落去。科科。反正本系列簡介係：年紀大咗踢法梗係經濟啲，仲同你晚晚捱夜睇幾十場波咩。金融或數學角度寫足球，睇高一格，非球迷都啱睇。曾被恥笑 「開住維基當睇波」，諗諗下係恭維。
2. 另外，講xG，expected goal．堅持認為呢樣嘢冇撚用呀，數據唔代表一切呀等等嘅數盲/科技盲，亦都唔使睇落去。但現實唔隨個別人嘅主觀意志而變。無論你鍾意唔鍾意接受唔接受信唔信，反正近幾年（三五年？）越嚟越多人講，越嚟越多球會睇，未來幾年都會係。The verdict is here．你可以堅持西醫嘢冇乜內涵堅持飲香爐灰水的，有乜所謂。
金融時報文：德國真正死因剖析，巴西西班牙比利時暫時發揮最好｜李聲揚
前言：本文原本只在我Facebook Page 寫， 體嘢 高生叫我可以放medium。雖然其會花多我少少時間，但其實之前我都有咁諗，畢竟放呢度會流傳得耐啲。兩個顧忌。第一係呢期我FB Page啲文都係外文翻譯消化加感想多，好似唔夠原創性，而之前只有原創嘅我先放呢度。但問過讀者普遍認為我啲譯文其實都唔係 …
3. 舊文有幾篇都有講過下xG，呢篇算比較多，但亦唔算寫得好，亦唔係好深入。鍾意嘅睇下。唔鍾意嘅買本書睇。上個月西德（？）最新出品。我都未睇。睇完再寫文
🚨 OUT NOW 🚨
The Expected Goals Philosophy: A Game-Changing Way of Analysing Football
📖 Paperback 👉 t.co/Sn6p0kwVZA
📱 Kindle 👉 t.co/dEE2caU9oaTHREAD – pic.twitter.com/OZAYPagQep
— The xG Philosophy (@xGPhilosophy) November 10, 2019
4. 固然expected 同現實會有距離，擲骰仔一半機會出雙數唔等你掟十次會出五次，可能十次出十次都得。但打長嚟講應該唔會。另外，xG呢味嘢肯定係仲有不少改進空間，唔完美。如果你發現真實結果同預期好大距離，好多原因。可能某方黑仔（例如熱刺），可能係某方龍門好勁（例如利物浦）．亦可能個xG model 唔準（同射門唔同，xG唔同堂口會數到唔同數），但應該會有個feedback機制，會慢慢修復（學術上嚟講，Bayesian嘢，唔明有得佢，即係掟咗幾萬次都唔係一半嘅，應該懷疑下粒骰仔有問題，咁上下）
4b. 廢話講完：開宗明義，冇標題黨。阿仙奴教頭艾馬利被炒，一早有跡可尋，甚至係實屬必然。難聽啲講句，落鑊落得遲，一早應該被炒，捱到今年11月已經賺咗。
5. 本文基本上係引自Between the Post嘅一串推文，其實你鍾意去睇原文都得。不過我當然係在翻譯上再加埋其他東西（例如本人的trash talk）
Performances over the rest of the season followed in line with the sub-par xG numbers, which suggested a performance level just outside the EL places. With the bump in points from the early season rally, Arsenal managed a fifth place, a painful one point outside the top four. pic.twitter.com/U82L0bnrzV
— Between The Posts (@BetweenThePosts) November 30, 2019
6. 去片，睇圖。
7. 呢個圖已經解釋咗大半。綠色xG for（簡稱xGF），紅色xG against（xGA）。咁quite simply，兩條線嘅距離，就係expected goal difference（xGD），闊嘅咪會成日贏波，窄嘅咪和波輸波多．雲加末期，的確見到xGD收窄咗好多，特別係xGA升得好快。但其實炒佢時唔係最差嗰陣。呢個不重要，反正成歷史。
8.到艾馬利接手，先係真正災難。你見到xGD根本冇止血，中途有一排去到0咁滯（即係，一場執1分）。後來有迴光反照，但冇耐又窄過。基本上就係一場執1分。咁你大約計到，會係咩位置。最大劑係，雲加直到被炒時，xGF其實都冇乜好大跌，主要衰防守。去到艾馬利年代，防守冇乜改善，xGA依然係咁上下，但進攻就比雲加年代更惡化，xGF大跌。
9. 回顧返艾馬利頭兩場波，2018/19年開季，兩場都對強隊，兩場輸晒，但其實情況唔多一樣。
10. 對曼城，xG0.68對2，輸波抵，但曼城有幾勁亦唔使多講，可收貨。第二場對車路士，大家xG其實差不多，全失三分有啲唔抵。或者把握力守門員嘅分嘢，但整體問題唔係好大。出面都仲未會兩場波就判佢死刑，況且，真係強隊嘛。
11. 打後就掉轉，阿仙奴輸咗呢兩場後，8月至到12月尾，14場不敗，大家亦開始吹奏。但掉轉，就似係有運多。因為你睇xGA同xGF，佢地大約係1.52 —1.19，唔差，但可以14場不敗，似係運氣居多。
12. 特別係主場4-2大勝熱刺一場北倫敦打比，由於係主場擊敗死敵，壓過熱刺上第四，大家更興奮，忽略咗阿仙奴其實xGD表現認真麻麻。Between the Post不忘抽水，話畀你知，拿，我地一咗話咗叫你唔好咁興奮。
13. 18/19賽季打後日子，阿仙奴啲分數就迴歸返去同xGD預測差不多，冇再特別離罩。最後就一分之差拎第五，冇歐聯踢。但Between the Post話，正常不過，其實根本就係歐霸料，只係季初嗰浸14場不敗嘅分積福。當然亦都有提到射手奧巴美揚同拿卡錫迪，亦係阿仙奴嗰浸xGD普通但14場不敗嘅原因。
［運氣和技術］牙醫好有錢，雲加冇回塘，射罰球冇手風順
［運氣和技術］牙醫好有錢，雲加冇回塘，射罰球冇手風順 Facebook 專頁有更多短文: www.facebook.com/ivanliresearch (FT原文: on.ft.com/2wkHZ68 Neil Woodford shows it can be hard to tell luck from judgment） 除咗寫足球嗰堆（陰功，買份FT睇足球）友，Simon Kuper and friends外，FT我最鍾意睇嘅其實係 Undercover Economist，臥底經濟學家，Tim Harford．亦都寫過同名嘅書，例如 本人成日講嘅公平貿易咖啡搵笨實，有機菜幾錢成本等等，都係出佢啲書 講返篇文。其實都係佢老哥常講嘅論調，randomness，但唔會好似 Fooled by Randomness 咁深。
14. 呢度本人插兩句嘴：Between the Post呢個圖，明顯阿仙奴差不多全季分數都係高過佢預測條線。固然又係因為「嗰浸」，但冇reversion to mean 喎．難免畀人覺得個xG有啲問題。
15. 插嘴二，之前寫過文（其實係譯）， 誰是現代足球（2006-2017）top finisher．第一係美斯。但第二三包你估唔到。第二其實係拿卡錫迪，我認為佢一直被低估。當然第三仲正，係萬人屌靶希古恩。
16. 講返艾馬利，然後去到今季，見真章啦：
17. 頭先已講過，艾馬利接手後，其實你睇xGD表現，係差過雲加末期嘅。防守冇改善，進攻就更差。去到艾馬利第二季（即係今季），就哈哈哈。防守係差，但唔係差過上季好多（無可再差？），反而進攻先係死因。
18. 唔少出面評論講阿仙奴今季被對手射門多咗好多（今季同上季比，15.9 vs 12.4），但其實嗰啲多數係低質嘅埋門（所以點解要講xG）。你睇xGA，係差，但唔係差過上季好多（1.51 vs 1.41）。
19. 今季真正大跌watt，係因為進攻大退步。又嚟啦喎，你睇場均射門，其實差不多（11.3 vs 11.9），但埋門質素更差。所以你睇xGF就見真章，1.25 vs 1.62。
20. 所以見到，阿仙奴每場得分，就由上季嘅1.84，跌到今季嘅1.38。提提你，1.38分一場，一季應該52分，如果上季嚟講呢，就歐霸都冇得打嘅，係排第9左右。我望過下，呢幾季，52分都冇一季夠打歐霸（亦係阿仙奴而家嘅排名）。所以炒人十分合理。
21. BTW，有冇留意，阿仙奴今季嘅xGF係1.25，xGA係1.51？即係，係負數xGD，亦都同阿仙奴而家嘅負數得失球吻合。當然理論上負數得失球都有機會有歐霸位，般尼試過，狼隊試過。但就唔止52分
22. 當然要質疑嘅可以繼續質疑，本人今季一場阿仙奴英超都冇睇過。但啲數撚就肯定唔係一場都冇睇，但Between the Post就寫晒咁多場的，可以慢慢鞭，不過要錢入會。
Unai Emery Archives – Between The Posts
Unai Emery might have thought he was on the cusp of a good result. Arsenal’s decent first half display managed to mostly contain Leicester’s threat while creating chances off their own back. However, a second half midfield collapse proved too much to handle following many missed opportunities.
23. BTW，同好多人諗嘅唔同，我認為波嘅嘢，金錢當然買到成功。寫過N咁多篇文講，英超當然唔例外。事實球員人工同成績有相當強嘅正相關（好合理啫下話？美斯好愛巴塞都要出糧啦）—但反正唔係絶對，就總有啲人精明啲，有啲人柒啲。
英超人工性價比：曼聯水魚無誤，利鏝使得精明，阿車對得住球迷｜李聲揚
記得之前寫過篇德國波文，畀人狂插，狂恥笑上維基睇波。開頭有啲扯火，但諗諗下都係，年紀大記性差體力衰退，講睇波點都多唔過啲新一代（而嗰篇文又真係比較差）。既然係咁，索性個踢法再經濟啲，幾廿歲同你鬥撞咩，直頭唔同你講場波。我就做星期一早上四分衞（Monday morning quarterback），完晒球季先寫文。波都唔使睇。呢排先最多文出。 【蔗渣價錢，踢出…】 …
24. 咁人工嘅嘢，都係同球會收入好大關係。固然wage to income ratio間間不同，但總有個譜。睇返舊文，阿仙奴上季拎第5，其實差不多，因為人工開支就係第5。而如果你計總收入，亦係第5，但同熱刺亦唔爭得遠。
25. 講咗咁多，結論應該係：阿仙奴之前年年有頭4，其實係雲加能人所不能。雲加同董事局係咪唔肯洗錢？好多人討論過，但事實阿仙奴並唔係你想像中咁有錢，亦唔係咁唔肯出糧。以佢地嘅收入同埋人工水平，應該係五六位之間，偶然打下歐聯咁。
26. 但亦掉轉講，艾馬利上季嘅表現仲算可以收貨（睇xG就已經唔多掂，但反正最後有第5，仲要只差一分）。但去到今季咁，就冇乜可能了。畢竟英超迫熄匙嘅收入，係遠高於另外嘅隊。阿仙奴冇歐聯，可接受。但歐霸都冇，梗係要落鑊。
如欲優先下載《體波台》、《Stretford End》、《The Boot Room》及《Invincibles》等多個足球評論節目，請加入體嘢贊助會員計劃。方法如下：
1. 下載Patreon手機程式及開通帳戶；
2.搜尋體嘢專頁（patreon.com/sportsyeah)並訂閱體嘢；
3.支付5美金月費（相等於39港元）。
