人人勁愛熱刺！熱刺球迷：為免被8位阿迷輪流恥笑專登射波｜體嘢報道
2-7慘案令熱刺球迷心理陰影面積持續擴大。有熱刺球迷在電台phone-in節目表示，球隊慘敗既影響其工作心情，他更要為此向公司請假，免被其他支持阿仙奴的同事恥笑。
受害者名曰Darren，他在talkSPORT電台的節目裏描述自己公司裏有8位阿仙奴球迷。他向主持人透露：「場波太震撼啦，7-2 啊！你睇艾歷臣都知佢心不在焉，一開季佢就唔應該留喺度。佢話過打完歐聯決賽就走，既然係咁佢而家應該落踢住U-23，或者U-18先啦。」
「普捷天奴之前嗰五年係好偉大，但而家應該都到左盡頭。」「我仲要同8個阿仙奴球迷返工……頭先我Whatsapp公司阿頭，然後又1打電話返去『射波』。公司Whats
app我都退埋啦，聽日唔返工！」
作為拜仁慕尼黑的苦主，阿仙奴球迷本應是感同身受才是（例如2016/17球季，阿仙奴主客兩回合以總數2-10被拜仁淘汰）。但是，落敗的一方是死敵熱刺，這個時候人與人之間的同理心大概是不可能存在的。
如欲優先下載《體波台》、《Stretford End》、《The Boot Room》及《Invincibles》等多個足球評論節目，請加入體嘢贊助會員計劃。方法如下：
1. 下載Patreon手機程式及開通帳戶；
2.搜尋體嘢專頁（patreon.com/sportsyeah)並訂閱體嘢；
3.支付5美金月費（相等於39港元）。
資訊浩瀚；東張西望。
竭盡所能；深入求真。
企高一格；全新體法。
