對New Balance官司勝訴，利物浦可自由與Nike簽約 | Liverpudlian Ty
利物浦同現時嘅球衣贊助商 New Balance 嘅官司勝訴後，可以同 Nike 簽下新嘅球衣贊助合約。
利物浦喺上個夏天完成同 Nike 嘅談判，合約為期 5 年，但係及後需要證明自己冇違反同現任嘅球衣贊助商 New Balance 嘅合作條款。
New Balance 同利物浦嘅合約，係每年 £45M，並且將於 2020 年夏天屆滿。不過，當中有一項條款，就係授權佢哋喺可以等同競爭對手報價嘅基礎上續約，並且認為佢哋有能力咁樣做。
實際上，Nike 保證會有每年 £30M 嘅贊助，數字上係比 New Balance 少咗 £15M。但係利物浦認為，新嘅球衣贊助合約所提供的供應鏈更龐大，分銷及銷售嘅潛力更大。
另外，利物浦亦都想加入一個本身喺世界上有更多體壇巨星嘅品牌。所以佢哋認為實際上嘅價值，會比現時嘅 £45M 更高。
但係來自 New Balance 嘅挑戰，意味著利物浦嘅律師團隊需要喺法庭上證明上述嘅理據。對於法庭嘅裁決，佢哋感到欣慰。
利物浦嘅發言人表示：「利物浦對於法官關於球會與現時球衣贊助商 New Balance 之間嘅訴訟裁決感到欣慰。」
「喺宜家呢個球季，我哋將會繼續同 New Balance 合作，並且會同新嘅球衣贊助商，準備下一季嘅球衣。」
利物浦同 Nike 會談嘅首要事項，係確保主場球衣令到世界上最多嘅球迷能夠買到。
Nike 方面有信心能夠做到呢一點，當中嘅回報將會更為可觀，並且更能反映到球會現時再次成為歐洲冠軍嘅地位，甚至喺今季有機會成為世界冠軍球會。
New Balance 發出官方聲明，對法庭作出嘅裁決，並且唔可以上訴而感到失望。
「我哋知道球迷對於我哋獨有及創新嘅球衣設計，予以高度評價及珍視，能夠達致反映球會反映嘅傳統，並且認同佢哋過去同最近嘅勝利。」
「我哋強烈地相信，我哋開出嘅價格，同競爭嘅價格匹配，並且想喺未來好多個年頭，創造更多打破紀錄嘅銷售量。我哋期待利物浦喺今季穿上我哋嘅球衣，繼續取得成功與勝利。New Balance 致力於將我哋嘅專業知識，激情同埋創新，融入呢個美麗嘅運動之中，並且將會繼續努力喺球場內外取得成功。」
如欲優先下載《體波台》、《Stretford End》、《The Boot Room》及《Invincibles》等多個足球評論節目，請加入體嘢贊助會員計劃。方法如下：
1. 下載Patreon手機程式及開通帳戶；
2.搜尋體嘢專頁（patreon.com/sportsyeah）並訂閱體嘢；
3.支付5美金月費（相等於39港元）。
