其實而家少睇波，國家隊仲會睇晒，但德甲已少睇，甚至歐聯都唔係成日睇，分組賽早場就可能睇，尾場都多數唔睇。但神推鬼撞，10月1號3點未訓，就睇咗陣熱刺對拜仁，其實係開住去做其他嘢，點知越睇越過癮（明顯係飛機），就睇到完場。
咁明顯，係因為拜仁雖然先落後，但好快已經追平，上半場已經反先。我先咁有心機睇到尾。換著上半場輸四球我就熄機訓覺啦，唔使返工咩。我都係香港人啫。
拜仁初段受制於熱刺嘅前場瘋狂迫搶，踢到失晒魂。熱刺似乎係十分有心部署，技術型嘅艾歷臣放後備，出晒啲活力／爛仔型中場。組織力未必好，但明顯佔咗中場先機。熱刺亦都針對拜仁中堅轉身慢嘅弱點，不停咁畀波去中堅後面，開波十分鐘已經做到幾個好有威脅嘅埋門。然後孫興慜把握到一球，先開紀錄。
點睇都係熱刺大炒拜仁嘅格局。
但，足球就係咁先吸引嘛（當然我係捧拜仁先咁講，你係捧熱刺嘅，就唔會—你見熱刺啲球迷都提早離場）。
熱刺先開紀錄後幾分鐘，拜仁嘅甘美治禁區外射球靚波，極速追和。拜仁定住陣腳，但都冇見點佔優。然後完半場前，利雲度夫斯基在混戰中，禁區外轉身180度拗腰一射，就幫拜仁反先2-1。
想講嘅係，拜仁呢兩球波，都入得幾，神奇。熱刺開紀錄嘅波係依師餐屎（唔好問我落場入唔入），甚至之前幾次失機都係相當大嘅迫餐屎（可能亦埋下伏線），近距離，生波。但拜仁唔同，兩球波都係人少對人多，兩球都禁區外。睇你點演繹，正面嘅可以話係球員個人質素，世界波，把握力強。負面嘅係撞棍，好彩，射得次都入唔到。
「林柏特？得唔得？」
搵一個毫無頂級聯賽執教經驗嘅教練，執教一支歐聯球隊，得唔得架？ 相信有好多車路士球迷，對任命林柏特嘅感覺都係一半一半。一方面，當然想見到佢成功，另一方面最最最最唔想，就係見到有「Lampard Out」的一天 – 但你睇車路士近年，有邊個教頭係有好下場？有呢種擔心，唔奇。 我自己睇唔睇好？麻麻哋。個人認為，爭前四係有機會嘅，爭囉。上季球隊各方面都更強，都係要阿仙奴臨尾失蹄先上到頭四。今年，似乎吻水咗啲。 點解？以下係一啲諗法： 支持林柏特嘅支持者，可能會話：「唔係喎？上年第一季做領隊，就帶到打比郡爭啲升班喎，排到第六喎。」 但你有冇諗過，林柏特未接手前嘅打比郡，排第幾？ 答案係：都係第六。（仲多一分添！） 即係話，上季林柏特戰績唔係唔好，但係有冇令到打比再進一步呢？未必有。反而，上季拎第六可能已經係 overachievement。 點解咁講？去圖！ 首先，要講 xG。咩係 xG? 即係 Expected Goals, 一個可以睇睇到攻勢質量嘅 數據。上季打比郡其實創造出嚟嘅「預計入球 」量，响全英冠只係排 21（24 隊呀吓），而每個射門嘅 xG，更加係排 23。但最終入球量竟然排第 6！ 即係話，林柏特帶領嘅打比郡，從數據上睇，唔值入咁多波。 咁，究竟點解 xG 可以跑贏數據咁多？咁就先要睇一睇 xG 數據點計出嚟。 簡單啲嚟講，xG 係一項用嚟量每次埋門質素嘅統計，從而紀錄每次攻門嘅入球機會率。xG 個玩法係，每一個射門，考慮番位置、對方守衛壓力、用頭定用腳等嘅數據。統計上都會畀一個數值。阿叔話齋，「呢個波畀佢射多 100 次都射唔入！」嗰種射門，即係射 101 球先入一球的話，個 xG 就係 0.0099） 淨係 xG 計入波失波，打比郡上屆嘅「正確」排名，應該係 12 左右。 咁打比郡點樣做到跑贏 xG？ 係 1：遠射，2：命中率。 上屆打比郡入咗 13 球禁區外射門，單單係 Harry Wilson 都已經入咗 7 球。但車路士陣中有冇球員有咁嘅能力？韋利安可能係唯一一個。柏度唔係冇入過遠射，但只係神來之筆居多。簡單講：下一季車路士隊中遠射能力最強嗰個，係佢哋嘅教練。 從統計學嚟講，跑贏 xG，唔係冇可能，但要長期跑贏，就有啲難度，因為會 regress to the mean。當然，林柏特轉咗會就難計啲，不過可以講，靠遠射嚟 支持球隊表現，理性啲講，就唔多 sustainable。（但有趣係，林柏特自己球員年代就正正係靠遠射嘅球員！仲 sustain 咗成個 career！最衰當年冇 xG 數據，唔係一定好有趣） 當然，xG 唔係萬能，不過大概可能睇到一隊波攻守嘅表現係合符定超符常理（xG 實際點玩?
我個人傾向中立啲（聽講難聽過粗口），客觀嚟講，拜仁呢啲就係士摩餐士（同熱刺嘅迫餐屎比）。唔使睇圖都知，個xG好低。何謂xG自己Google，或者睇我朋友 陳祉俊 Christopher Chan嘅文。雖然佢篇文都唔係主講xG（佢FB仲有其他文，請睇），而佢亦唔係數佬出身，而xG實在係一樣相當technical嘅嘢。但邊撚有咁完美，數佬就唔睇波，睇波就唔數佬。兩樣都有嘅？多數都係痴線佬。但，講應用層面，睇陳生嘅文夠了，正如你唔使知道你架七人車係咩原理先可以去北海道開車（然後撞到人）。
我自己都寫過篇文講xG，不過都唔係成篇講。
金融時報文：德國真正死因剖析，巴西西班牙比利時暫時發揮最好｜李聲揚
前言：本文原本只在我Facebook Page 寫， 體嘢 高生叫我可以放medium。雖然其會花多我少少時間，但其實之前我都有咁諗，畢竟放呢度會流傳得耐啲。兩個顧忌。第一係呢期我FB Page啲文都係外文翻譯消化加感想多，好似唔夠原創性，而之前只有原創嘅我先放呢度。但問過讀者普遍認為我啲譯文其實都唔係 …
講返，唔睇數字都知，拜仁上半場嘅xG極低。懶搵（最後都搵到），但好肯定熱刺上半場xG高過拜仁。熱刺幾個近乎呼餐士（你睇個方型幾大個），拜仁嗰啲吼乎餐屎都唔係（幾細粒）。偏偏就二比一。call it把握力，或好唔好彩，任你。
（結果都搵到）
但即係現代足球（即係，你睇波開始）嚟講，普遍都重視xG。你見十年前邊有人講呢啲（OK你好勁，廿年前冇啦掛？）。我地細個睇波，三十幾碼抽入就世界波好波啦。大把例子，除咗神奇頂級超卓嘅謝拉特，仲有耶保亞嘅窩利，或者白頭老拉雲拿利（好耐冇講呢條友，近況點？）嘅窩利。嗰啲，唔使搵片你都記得。
但即係，其實而家啲教頭，係唔多鼓勵呢啲東西。因為好睇唔好食。Simon Kuper本Soccernomics有寫，呢啲波，球員梗係J一世，球迷梗係記一世—但射失咗幾十球你又唔理者。入波就係入波，冇難度分，更唔好計你炒出街畀返個控球權人地。而家就梗係哥迪奧拿式足球（其實路維雲戈爾，甚至其他人都係），慢慢做build up，少啲遠射，角球唔好成日大腳斬，龍門要識用波，後防唔好大腳清。最理想就好似曼城咁，扭撚埋個龍門先射空門，真係「你阿媽落場都入」嘅餐屎，就最好。
大炒車路士半打後，呢一刻曼城以得失球反壓利物浦，上返榜首。哥迪奧拿早排先講過今屆英超冠軍可能要睇得失球。言猶在耳，估唔到佢地對車路士都刷到6個得失球差。
點解曼城入咁多波？因為佢連對家個門將都玩埋｜譯：李聲揚
今日轉下口味，寫波，譯文。哥迪奧拿嘅曼城。近期少睇曼城，甚至少睇波。寫錯譯錯勿插。不過其實我都只係翻譯篇好文。 大炒車路士半打後，呢一刻曼城以得失球反壓利物浦， 上返榜首。哥迪奧拿早排先講過今屆英超冠軍可能要睇得失球。 言猶在耳，估唔到佢地對車路士都刷到6個得失球差。 冇錯，利物浦依然踼少場，係英超失分最少嘅球會。但曼城得失球去到驚人嘅+54（利物浦係+44），靠嘅應該係進攻火力（入74球，多利物浦15球），多過防守（失20球，多利物浦5球）．本文係Michael Cox （作者）寫於對車路士前，分析一個好似好廢嘅問題：點解曼城入咁多波。 Feb 5, 2019 Michael CoxESPN.com writer Sergio Aguero’s hat trick against Arsenal was the 10th of his Premier League career – just one behind the record of 11 held by Alan Shearer.
（順手講下，曼城呢種哲學，係令我諗起畢菲特所講，最好搵啲傻仔去做 CEO都掂嘅公司。兩位都閱人無數，但都明白有時信制度好過信人。）
正如哥迪奧拿帶嘅拜仁，有一季（未fact check），甚至係可以唔打龍都贏德甲！純係誇張，但講嘅係，根本好多場波對手中龍次數都唔夠拜仁入波多，即係我當你中龍嘅入晒，都仲要贏你（當然實際上你唔打龍嘅人地半場笠你啦，明啦）。就係去到咁誇張，你搶到個波起到腳先講啦
講返熱刺對拜仁，下半場，就球迷奇遇記，變咗基拿比個人表演，大四喜。十分神奇地，射親都中。我唔認為就係因為半場換走艾拿巴用艾簡達拉入替嘅效果。只能講拜仁踢順境波真係一流（但，有誰不是？可能多蒙特不是啦）。基拿比下半場初段忽然間洛賓＋列貝利上身梅開二度後，熱刺大勢已去，縱然京士利高文送返球十二碼，哈利鯨又射得極靚（紐亞幾乎飛到），追到２-４，但熱刺都係返魂乏後。最後輸多兩球都冇乜特別。
但想講嘅係，即使去到下半場，拜仁嗰啲，都唔係球球迫餐屎。但就係射親都中，中親都入。唔知係好把握力丫，熱刺個龍雞丫，定只係好彩。熱刺呢？除咗球十二碼，攻勢係冇乜。上半場xG仲有1.1，下半場得返0.3。仲要係幾個好士摩嘅餐屎加埋先有，唔係一個0.3。
又係睇數據，我寫到呢度先搵張圖的。一如所料，你睇xG，拜仁只係略為佔優（順手一提，xG唔計十二碼，而十二碼真係扭轉賽果的）。xG2.1，但入夠7球，仲要冇十二碼冇老烏冇乜誤判，真係有今生冇來世。我甚至懷疑呢個deviation （actual — expected）係史上最大嘅一場。 （後來果然見到係）
又當然唔好講xG冇用咁撚膚淺。講明x，就梗係有機會超過低過啦，否則使撚x。只能又係嗰句，球迷奇遇記。但實際上，拜仁都仲係xG高過熱刺而贏波，其實低xG贏波都唔算太少見。但，average，average呀。平均嚟講xG高嘅就梗係贏。希望知道呢啲咁簡單嘅數學常識。
列貝利的眼淚，洛賓的軌跡 | 李聲揚
好少可只講波唔講統計唔講$，今次破例。唔長。 睇題都知，講拜仁慕尼黑組合，Robbery 洛賓列貝利，正式告別。洛賓2009年開始踢拜仁，列貝利仲誇張，2007年開始。兩位嘅黃金時代都畀晒拜仁，都稱得上係名宿了。 Robbery固然Rob行先，中文一般都講洛賓列貝利，除咗音調上嘅方便，洛賓照計名氣同實力都高過列貝利。但你見我個題放列貝利先，主要想講佢。 以下係列貝利最後一場聯賽告別嘅情況。 …
其實講多咗，固然係因為我係拜仁球迷（甚至都唔係，我只係捧國家隊，我好樂意見到多蒙特拎德甲的）。但絶對不打算抽熱刺水。實不相瞞，我妹正係熱刺球迷，不過都好多年前，講緊Ian Walker嘅年代。原因？梗係夠靚仔。然後我都唔知Ian Walker去咗上海教波。
我本身當然唔係特別鍾意英超，甚至樂於見英格蘭或英超隊輸波。但相當肯定熱刺係我敵意比較少嘅一隊。首先，熱刺N咁多年冇對過拜仁。二來，熱刺有相當多嘅德國國腳，所以我初睇英超時，除咗曼聯（有人知我係前曼迷呀可？）就係熱刺。最初睇奇連士文，後來薛基，科達。連帶睇埋舒寧咸，岩士唐，真路拿，安達頓，華度等等。加斯居尼係我最鍾意嘅英格蘭球員。Good Old Days。
好似已執
某程度上，same applies to 阿仙奴，亦係多德國球員嘅英超球會。加上我一路都話根本雲加嘅DNA教拜仁係啱晒（長線，財政要穩，可以玩育成，年年有歐聯打，但唔使要捧盃）—雲加仲要係斯特拉斯堡人。而眾所周知（？）斯特拉斯堡同阿爾薩斯，自古（？）以來就是德意志不可分割的一部份。雲加當然識德文，仲係相當流利，去到一個講德文說服奧燒加盟嘅地步。就連在倫敦出trip（兩次咁大把），我都係住返北倫敦。其實都冇乜好大分別，只係順手。仲可以行到去阿仙奴球場。反而熱刺個場就冇去過。
OK ，其實呢篇文只係前言。我想講嘅在下一篇，又費事一篇五六千字畀人鬧。多謝你嘅時間。臨尾送隻勞蘇你睇。八歲了。
下篇講數學。
如欲優先下載《體波台》、《Stretford End》、《The Boot Room》及《Invincibles》等多個足球評論節目，請加入體嘢贊助會員計劃。方法如下：
1. 下載Patreon手機程式及開通帳戶；
2.搜尋體嘢專頁（patreon.com/sportsyeah)並訂閱體嘢；
3.支付5美金月費（相等於39港元）。
