雲迪克否認與紅軍傾續約 | Liverpudlian Ty
根據 Skysports，利物浦中堅雲迪克（Virgil van Dijk）喺歐聯作客以 0-2 不敵拿玻里之後強調，佢並無討論關於續約嘅事宜。
雲迪克同利物浦嘅合約會去到 2023 年，之前有媒體聲稱，佢已經同意簽署一份 6 年嘅新約。
佢喺賽後向 Skysports 嘅首席記者 Bryan Swanson 表示：「冇事發生，情況就係咁。」
被再問到佢想唔想傾續約，雲迪克補充：「呢個唔係視乎我嘅。我喺媒體度見到有報道話，我已經同意咗一份新約之類嘅嘢。」
「但係喺呢個時候，我都冇傾過啲乜嘢。唯一我想做嘅，就係專注喺賽事上，跟住我哋睇吓將來可能有咩事會發生。」
雲迪克喺高普麾下，成為利物浦防線嘅核心。利物浦上季成為歐聯冠軍，同埋成為曼城喺英超聯賽爭霸嘅主要對手，呢位荷蘭國腳扮演咗重要嘅角色。
利物浦喺今季英超聯賽 5 戰全勝，但係佢哋將會迎接今季最大嘅挑戰，就係作客由林柏特帶領嘅車路士。
如欲優先下載《體波台》、《Stretford End》、《The Boot Room》及《Invincibles》等多個足球評論節目，請加入體嘢贊助會員計劃。方法如下：
1. 下載Patreon手機程式及開通帳戶；
2.搜尋體嘢專頁（patreon.com/sportsyeah)並訂閱體嘢；
3.支付5美金月費（相等於39港元）。
