朗史達夫坦承為曼聯追求心動｜喜鵲誌
人怕出名豬怕肥，呢句道理放喺中外都一樣適用。
朗史達夫（Sean Longstaff）最近接受紐卡素官方訪問，坦承今夏有關曼聯對佢有興趣嘅傳聞確實令佢有少少”distracted”（唔集中）。
曼聯今個夏天曾出價5000萬鎊，為嘅就係希望將呢位備受期待嘅英格蘭土炮新星帶去奧脫福(Old Trafford)。結局係點，我地當然知道，不過朗史達夫自己就話，佢終於明白個種身陷傳聞嘅困擾。尤其係你知道佢地講緊嘅唔係一件小事，而係關係自己職業生涯終生嘅大事。
「當你去到任何地方的時候，你都會看到自己的臉在報紙上出現，或者當你打開電視時，你會發現人們正在談論你。在這樣的情況下，你很難令自己集中。」
然而，朗史達夫認為，如果要令自己重回正軌，最重要嘅都係保持返自己嘅初心。
「球迷、領隊、隊友，只要你每天和他們說話，你自自然然會知道他們想要什麼。而我應對的方法很簡單，只要做到他們想你做到的事，這就可以了。」
講返出名，諷刺嘅係，按道理經過今個夏天，紐卡素地區應該咩冇人唔知朗史達夫宜家係做緊咩。不過，佢就話，其實佢喺泰恩河畔地區（Tyneside），佢仲有一定嘅私隱度。至少唔會個個認得佢，更甚嘅係，佢有位鄰居直情唔知佢係個足球員。
「他正在看報紙，Big Joe（祖連頓）就在報紙上。他攔住我並和我聊那場賽事。我可以告訴你，他絕對沒有意識到我是場上的一份子。」
「他一直講Big Joe有多好，他在對熱刺一場表現有多出色。然後他揭去報紙的另一頁，我就在該頁上。我不得不強制自己要把笑聲停下來，然後他就在講我的表現。」
「我當時想，希望他不會把我批評到體無完膚吧，當下那個情境很有趣，不過幸運地，他對我的表現也說了些不錯的評語。」
筆者喺到只係好好奇，作為一個紐卡素球迷，應該唔會唔識朗史達夫掛。
如欲優先下載《體波台》、《Stretford End》、《The Boot Room》及《Invincibles》等多個足球評論節目，請加入體嘢贊助會員計劃。方法如下：
1. 下載Patreon手機程式及開通帳戶；
2.搜尋體嘢專頁（patreon.com/sportsyeah)並訂閱體嘢；
3.支付5美金月費（相等於39港元）。
