利物浦決定擴建晏菲路，座位超越6萬 | Liverpudlian Ty
利物浦於今日重申，佢哋有意擴建球場看台，現時正在考慮緊一啲進取嘅新計劃。根據 Dominic King、Neil Jones 及 James Pearce 等記者嘅報道，本來嘅擴建計劃，係增加 4,000 個座位，不過宜家係想將晏菲路球場嘅座位數字，增加至超過 60,000 個。
喺上述嘅過程期間，喺追求符合球會本身願景嘅同時，利物浦亦會同當地社區及其他主要相關人士作出接觸及進行磋商。
呢個事情發展情況嘅直接結果就係，現時嘅規劃大綱將會容許變為無效，以便繼續開展替代方案嘅工作，並且喺適當時候，將更大型嘅計劃提交，作出新嘅規劃申請。
利物浦首席營運總監安迪曉士（Andy Hughes）表示：「喺進行可行性研究期間取得嘅進展，令到我哋能夠容許原來嘅規劃大綱許可變為無效。 我哋致力與當地嘅居民、規劃官員及其他人士合作，因為我哋宜家正在專注喺晏菲路重建項目嘅相關細節。」
「喺過程之中，我哋已經好清楚嘅係，我哋嘅目標係為晏菲路尋求最好嘅解決方案，現時仍然如此。」
如欲優先下載《體波台》、《Stretford End》、《The Boot Room》及《Invincibles》等多個足球評論節目，請加入體嘢贊助會員計劃。方法如下：
1. 下載Patreon手機程式及開通帳戶；
2.搜尋體嘢專頁（patreon.com/sportsyeah)並訂閱體嘢；
3.支付5美金月費（相等於39港元）。
