根據 Paul Joyce，利物浦翼鋒哈利威爾遜（Harry Wilson）前往般尼茅夫進行體測。將會借用一季，並冇任何關於買斷嘅選項。兩間球會仍有少少細節事項要完成。
喺協議內並冇可以將哈利威爾遜買斷嘅選項，不過會有關於出賽時間保證嘅條款。
22 歲嘅哈利威爾遜，星期一喺 Melwood 參與操練，但係預期佢將於今日南下，完成借往般尼茅夫嘅手續。
鑑於上季外借英冠球會打吡郡期間表現出色，利物浦領隊高普起初唔想於今夏借走哈利威爾遜。
如果係賣斷哈利威爾遜嘅話，利物浦會考慮大約 £25M 嘅報價，但係據報道，紐卡素及阿士東維拉對威爾遜有興趣，但係都未有實際作出報價。
喺咁嘅情況下，要令到哈利威爾遜成長與發展，同埋能夠喺英超聯賽得到穩定上陣機會，成為咗合情理嘅下一步安排。
哈利威爾遜及賴恩肯特（Ryan Kent）都可能會喺今夏轉會窗結束之前離開球會。
據悉剛剛有攻擊球員 Kemar Roofe 加盟比甲球會安德列治嘅英冠球會列斯聯，將上季借往格拉斯哥流浪嘅賴恩肯特，視為頭號羅致目標。
但係，利物浦體育總監米高愛華士（Michael Edwards）並唔同意再次將賴恩肯特外借。
據了解，現時列斯聯仍然未有實質報價，距離要達成協議嘅時間已經越來越少。
