利物浦羅致門將阿祖安代替米奴列｜Liverpudlian Ty
利物浦宣佈，成功羅致曾效力韋斯咸嘅自由身門將阿祖安（Adrian）。
米奴列（Simon Mignolet）於今日離隊轉投比甲球會布魯日之後，阿祖安已經與利物浦簽約。合約為期兩年，仲有續約一年嘅選項。
阿祖安向利物浦官方媒體表示：「我感到高興，真係好高興嚟到利物浦，同埋能夠為呢間偉大嘅球會效力，並且期待盡快開始喺球場上嘅相關事情與工作。」
「我係一個好有野心嘅人，我嚟呢度係想嘗試贏得所有嘅嘢，並且由第一分鐘開始，嘗試推動艾利神，同埋令我哋變得更好。」
「明顯地，我係想贏取錦標。嚟到呢度係想爭取各大錦標同埋冠軍。我哋嚟緊會競逐唔少嘅賽事，我哋會去爭取，並嘗試得到。」
「我期待喺晏菲路球場上陣嘅第一場波，同埋盡我哋所能去贏取最多嘅賽事。」
現年 32 歲嘅阿祖安，曾效力韋斯咸 6 年，佢同該英超球會嘅合約喺上個球季結束後屆滿。
呢位西班牙門將，喺 2013 年 7 月，由西甲球會貝迪斯加盟韋斯咸，並且為「鎚仔幫」上陣 150 次。
如欲優先下載《體波台》、《Stretford End》、《The Boot Room》及《Invincibles》等多個足球評論節目，請加入體嘢贊助會員計劃。方法如下：
1. 下載Patreon手機程式及開通帳戶；
2.搜尋體嘢專頁（patreon.com/sportsyeah)並訂閱體嘢；
3.支付5美金月費（相等於39港元）。
