根據 London Evening Standard 嘅 Giuseppe Muro，剛失去 16 歲年青新星哈維艾利洛（Harvey Elliott）嘅富咸，希望利物浦會俾至少 £10M 嘅補償金。
哈維艾利洛拒絕富咸嘅學徒合約，加盟利物浦。預料佢嘅轉會費將會以仲裁方式處理，因為兩間球會未能達成協議。
富咸想要嘅補償方案係，先有一筆付款，同埋要得到日後如果利物浦將哈維艾利洛出售時，所得利潤當中嘅一個百分比。哈維艾利洛現時係英超史上最年輕嘅出賽球員。
現時需要以仲裁方式確定補償金嘅紀錄，係來自恩格斯。呢位英格蘭前鋒喺 2015 年，由般尼加盟利物浦，最終利物浦要俾 £6.5M，加 £1.5M 嘅浮動條款，同埋包括將恩格斯出售所得利潤嘅 20%，恩格斯轉投修咸頓嘅轉會費係 £20M。
富咸仍然致力處理哈維艾利洛嘅補償金事宜，佢剛剛喺星期日首次為利物浦上陣，補償金嘅費用或會更高。
如欲優先下載《體波台》、《Stretford End》、《The Boot Room》及《Invincibles》等多個足球評論節目，請加入體嘢贊助會員計劃。方法如下：
1. 下載Patreon手機程式及開通帳戶；
2.搜尋體嘢專頁（patreon.com/sportsyeah)並訂閱體嘢；
3.支付5美金月費（相等於39港元）。
