高普：我不羡慕列強一擲千金 | Liverpudlian Ty
根據 The Telegraph 嘅 Chris Bascombe，利物浦領隊高普表示，球會唔能夠喺轉會市場上玩「夢幻足球」，並且強調佢亦都唔會對列強喺轉會市場上嘅投入，羨慕地去望一眼。
2018 年出現破紀錄嘅轉會交易之後，利物浦喺今夏嘅轉會市場相當審慎、甚至保守，領隊高普仍繼續倚重現時嘅人腳。
雖然上季成為歐聯冠軍，高普解釋咗同現時隊中嘅星級球員豐厚地續約，令佢哋留下，對今年嘅財政預算所構成嘅影響。另外，利物浦亦都投資喺球場嘅基礎建設方面，以 £100M 貸款用喺球場主看台嘅擴建工程。並且亦都會全資投入新嘅訓練場地建築工程，該項目現時正在進行中。
高普經常指出，雲迪克同艾利神嘅交易係點樣促成嘅，作為證明自己喺適合嘅時候，會去花錢買球員，其實係將古天奴出售之後嘅收入補貼而來嘅。當時嘅「轉會風暴」，尼馬以高達 £200M 轉會費，由巴塞隆拿加盟巴黎聖日耳門，該西甲冠軍用呢筆錢嚟羅致古天奴。
喺維持 FSG 嘅政策之下，利物浦嘅方向都係以長遠及未來著眼。利物浦準備等待一個比較合適嘅轉會市場情況下，去羅致一啲能夠提升正選陣容嘅球員，而唔係大灑金錢去退而求其次。
利物浦領隊高普表示：「今年唔係利物浦嘅終結，下年會有另一個轉會市場。球隊本身陣容不俗，我哋曾經投資咗唔少金錢落去，宜家我哋就與球員一齊努力。」
一個將會不能停止嘅爭論係，今次以歐聯冠軍身份面對轉會窗，呢個係短暫，且並不常見嘅機會，利物浦亦都前所未有地成為咁具吸引力嘅地方，尤其是有高普執教。同時，無論係想點樣應付及緩和季前熱身賽所出現嘅困難狀況，前面冇三叉戟在陣，球隊表現係明顯嘅下滑。
但係高普從來冇懷疑過球會對於財政上嘅處理方式，現時亦唔打算咁樣做，尤其是呢個方程式，並冇阻礙到利物浦去競逐最高榮譽，亦唔會影響喺適當時候花錢嘅能力。
高普話：「我唔能夠講其他球隊做緊啲乜嘢。我唔知道佢哋點樣做到嘅，我哋要付款、找數嘅。對唔住，任何人都要付款同埋找數，我哋係要付款同埋找數架。我哋投資咗金錢喺球隊度，宜家睇落好似我哋宜家冇做到呢樣嘢咁。但係我哋並唔係身處於一個夢幻島上，可以得到你想要嘅嘢，你唔能夠經常，持續地咁樣做。睇嚟世界上只有 4 間球會可以咁樣做嘅啫，就係皇家馬德里、巴塞隆拿、曼城同埋巴黎聖日耳門。無論佢哋需要啲乜，都可以得到。你唔能夠同佢哋相比架，情況就係咁。」
「呢個唔係一個批評，我知道啲人會點睇，會將之視為嫉妒或者其他嘢。我一啲都唔嫉妒，你無法保證因為我哋簽 5 個球員，就可以避免喺多雪嘅場地下，賽和李斯特城，呢個係冇保證架。日後係會有表現平平嘅賽事，但係咁並唔表示我哋需要唔同嘅球員。呢個只係意味著，我需要喺嗰日要有準備好嘅球隊。呢個就係我哋應該要做嘅事，同埋我哋要確保做到嘅事情。」
利物浦仍然希望羅致一個能夠勝任多個位置嘅左路球員，加入一隊之中，但唔需要係一個保證能夠踢正選嘅球員，呢個係需要個球員接受自己係會成為後備嘅情況。
高普又話，一直要求改變球隊陣容，係對喺隊中球員嘅不尊重。
佢話：「我哋要賣 5 個球員，以便提供位置俾 5 名新球員嗎？請俾一張名單我，同埋話我知，你想邊個離隊。佢哋會俾返一張白紙我，因為佢哋想留住所有人，並且想引入下一個。」
利物浦喺星期日，於蘇格蘭愛丁堡友賽拿玻里之後，及後會對曼城，爭奪英格蘭社區盾。
1. 下載Patreon手機程式及開通帳戶；
2.搜尋體嘢專頁（patreon.com/sportsyeah)並訂閱體嘢；
3.支付5美金月費（相等於39港元）。
