高普坦承或直接出售賴恩肯特｜Liverpudlian Ty
利物浦季前熱身賽戰績未如理想，昨晚與中立場對拿玻里，以 0-3 落敗。球隊表現明顯未如理想，加上開季在即，喺轉會市場上又一直缺乏動作，同時列強相繼增兵，難免令球迷感到擔心。領隊高普（Jurgen Klopp）出席賽後記者招待會，主要內容如下：
1. 高普表示：「呢場波有兩個方面，其中一個方面係好正面嘅，係氣氛，簡直一流。至於另一方面，係比較冇咁冇咁正面嘅，就係場波。有好嘅開始同埋結尾，就係咁多。」
2. 高普話：「我哋輕易地失咗兩球波，失去控球，然後喺對方反擊嗰陣失波，我哋要防守得好啲，或者唔好失去控球。」
3. 高普話：「我哋有另一個星期，並且將會利用呢段時間，去再次攞返新鮮感，但係我哋要作出一啲比較好嘅決定，當然今場波呢方面做得唔理想。我哋輸咗幾場波，我哋會嘗試善用佢哋。我頗為肯定，當有需要嘅時候，我哋將會踢出較佳嘅足球。」
4. 關於新加盟嘅哈維艾利洛（Harvey Elliott），高普表示：「佢喺呢度係因為佢嘅天份，佢之前可以選擇去任何地方，但係佢想加盟我哋。明顯地佢係一位非常、非常不俗嘅球員。」
5. 高普表示，唔會再將賴恩肯特（Ryan Kent）外借，只會出售。佢話：「因為佢嘅年歲，所以我認為外借嘅時候已經過去。作為球員，係需要喺一個地方能夠令佢哋安頓落嚟。外借並唔係一個選項。」
如欲優先下載《體波台》、《Stretford End》、《The Boot Room》及《Invincibles》等多個足球評論節目，請加入體嘢贊助會員計劃。方法如下：
1. 下載Patreon手機程式及開通帳戶；
2.搜尋體嘢專頁（patreon.com/sportsyeah)並訂閱體嘢；
3.支付5美金月費（相等於39港元）。
