意甲人工性價比：出C朗一條友已經夠拎歐霸位｜李聲揚
好，人工性價比四部曲，玩完英超，德甲，西甲，last but not least，遲咗一排。但其實意甲都幾好玩。
Average Serie A salary by team 2018/19 | Statista
During the 2018/2019 football season, Juventus paid the highest average annual salary to its’ clubs players out of all teams in the Serie A with an average of roughly 8.85 million U.S. dollars. The team has been holding the first position as a highest paying club for the past three years.
但寫意甲篇，玩個遊戲先，咁多問號嘅呢個黑人唔係意甲黑人球員。但，用返平時嘅梳屎，睇下上面呢個意甲咁多隊嘅平均薪酬，發唔發現有乜異樣？
.
.
.
仆你個街，得19隊嘅？？？？
我都想知點解，我整晒先發現爭咁一隊。再花少少時間發現嗰隊係阿特蘭大。而我搵唔到阿特蘭大嘅數字。即係，唔使寫。
梗係唔係啦。
我地呢啲寫文做研究嘅（算係啦），成日都面對呢啲問題架啦。本期刊畀人借撚咗呀，最重要個表畀人撕走咗呀，有個位睇唔到係乜字呀之類。點難到我地。
退而求其次，又係用總薪酬咯，西甲咁。不過西甲嘅係預算，呢個好似係實數，不礙事，都係咁玩。梳屎呢度，另外double check過，當準。
（同場講埋，個表跟總人工開支排，而頭八隊入面，最高人工嘅，我都識。但亦都只係識呢八隊。呀仲有，唔識 Frosinone係乜，聽都冇聽過（中文係乜？火星撚？）。但我識Joel Campbell。）
Milan 2018/2019: Players salary chart
Milan are said to be paying €140 million on salaries this season, which makes them the club that spends the most after Juventus. Gonzalo Higuain and Gigio Donnarumma are the best-paid players. It’s the time of the year again when La Gazzetta dello Sport publishes the salaries of every single Serie A player.
留意，我double check嘅呢個網站 ，Soccerment，相當好用，仲有其他文，唔止意甲。陣間我會再講呢個網嘅文。其實佢嗰篇寫得好過我啦。
Player salaries in the Italian Serie A | Soccerment
We analysed the contractual details of all the 548 players of the Italian Serie A (‘ISA’) and then aggregated the data by team, by role, by country and by age. The average salary per player, net of taxes, is €1m per year.
大家都熟個玩法，直接去榜去圖。
下面看圖作文，不過講開我再講多次，計咩 「幾多錢一分」係極唔科學嘅。其實成個系列源起都係呢樣嘢（見英超篇）。再同你洗腦呀下，四大聯賽做出嚟，都極之明顯地見到，人工同積分有幾強嘅正相關，線性關係相當強—但，唔，撚，係，正，比，例。數學老師係咁架啦。記住正比例係線性關係嘅特例，穿過(0,0)先算，如果係正比例就真係兩倍人工兩倍積分，可惜唔係。呢個亦都其實符合常識：貴嘢就係唔抵的。十倍人工唔會係十倍嘅分數，個marginal return一定低。
但你要軍備競賽就係咁，唔抵但捧盃，似乎好過抵但降班。捧盃嘅固然有啲係財大氣粗（例如拜仁慕尼黑）屈晒機，唔捧盃好去死。但即使係洗得叻嘅（例如利物浦），都只係「精明」，唔係真係抵。即係可能人地八千蚊食餐米芝蓮三星，利物浦五千蚊食到—但會唔會好食過你五十蚊餐大家樂100倍？梗係唔會啦。貴嘢係唔會抵的。
英超人工性價比：曼聯水魚無誤，利鏝使得精明，阿車對得住球迷｜李聲揚
記得之前寫過篇德國波文，畀人狂插，狂恥笑上維基睇波。開頭有啲扯火，但諗諗下都係，年紀大記性差體力衰退，講睇波點都多唔過啲新一代（而嗰篇文又真係比較差）。既然係咁，索性個踢法再經濟啲，幾廿歲同你鬥撞咩，直頭唔同你講場波。我就做星期一早上四分衞（Monday morning quarterback），完晒球季先寫文。波都唔使睇。呢排先最多文出。 【蔗渣價錢，踢出…】 …
真係大約有條路捉，一分鐘一分貨，好波就人工高，邊有咁多underpaid。我鳩估，如果十幾廿年前，會見到條線冇咁fit，好多歐拉牙。即係好多水魚，但又同時有人好精明……
英超人工性價比：曼聯水魚無誤，利鏝使得精明，阿車對得住球迷｜李聲揚
記得之前寫過篇德國波文，畀人狂插，狂恥笑上維基睇波。開頭有啲扯火，但諗諗下都係，年紀大記性差體力衰退，講睇波點都多唔過啲新一代（而嗰篇文又真係比較差）。既然係咁，索性個踢法再經濟啲，幾廿歲同你鬥撞咩，直頭唔同你講場波。我就做星期一早上四分衞（Monday morning quarterback），完晒球季先寫文。波都唔使睇。呢排先最多文出。 【蔗渣價錢，踢出…】 …
紅綠藍圈時間，堅過癮！
記唔記得舊文講過，英超就兩組，迫悉匙及其他。德甲三組，拜仁，多蒙特，其他。西甲都係三組，皇馬巴塞，馬體會，其他。意甲呢？Soccerment認為七組（！）（祖仔自己一組，米蘭雙雄拿坡里羅馬嘅歐聯餅碎組，拉素自己一組（？），中游一組，中游二組，護級組，同埋寧舍落後嘅安坡里自己包尾一組）。我就認為痴線，分七組人都癲。應該係二或三組，祖雲達斯及其他，或者祖雲達斯，歐聯餅碎組，同埋其他。你睇上面個圖都係分開兩／三截。
仲有以下發現：
1. 貧富不均就梗，但意甲唔算特別嚴重。回帶，英超最高人工曼聯，同最低卡迪夫城比，未夠7倍。德甲拜仁係紐倫堡20倍，巴塞係榜尾嗰堆嘅25倍。祖雲達斯呢？安坡里14倍咋喎。當然仲有涉及隊伍人數呀之類，但，似乎意甲冇你想像中咁唔平均。或者你可以話，全部都窮，除咗祖雲達斯。
2. 祖雲達斯真係冇你想像中咁高人工。證據？德甲畀人話係拜超，正如意甲係祖超。但拜仁人工係多蒙特一個開咁滯，祖雲達斯同AC米蘭（估唔到呢？）冇爭咁遠。或者你睇最富同最窮畀都睇到。
3. C朗真係萬人敵。佢一個人嘅人工，高過14間意甲球會。或者掉轉睇，佢一個人嘅人工已經可以排第7（果然係CR7），夠踢歐霸。你應該大約估到，肯定係唔抵的。但呢度只係講分數啫，未計帶嚟觀眾呀贊助呀品牌之類。況且，更令人吹脹嘅係，沒有C7嘅祖雲達斯，人工都仲係意甲第一。死未
4. 意甲最高人工嗰幾隊，洗錢都係普通，不過不失，除咗拿坡里。你見祖雲達斯，米蘭雙雄，拉素羅馬，都唔係紅圈。
5. 前列球會用錢都普通，祖雲達斯理應放甩更多。在呢種前列冇乜叻人（洗錢精明方面）嘅情況下，你見祖雲達斯雖然聯賽榜拋離好多，但都仲係藍圈的。你可以理解為前列對手洗錢咁廢，祖雲達斯理應該拋離更多。情況同拜仁有啲似，應該放甩更多。但拜仁係因為人工真係高人地太多，祖雲達斯就對手洗錢都唔見得好好。
6. 最唔掂嘅係AC米蘭。前列份子，拿坡里講咗係掂，祖雲達斯削削地（同拜仁一樣），其他不過不失，最差就肯定係AC米蘭。意甲第二人工，Soccerment篇文季初都睇好佢地可以挑戰祖雲達斯霸權，結果唔好話車尾燈都未見到，第二人工拎第五，最致命係歐聯位都冇埋。
7. 最有驚喜嘅，唔使睇圖都估到，當然係神奇拎到歐聯位阿特蘭大。人工係米蘭雙雄四五份一左右，但反壓佢地拎到第三。另外拖連奴都係驚喜。但冇乜留意意甲，就只能看圖作文了。
8. 其實護級反而過癮。基爾禾就離晒大譜架啦，17分，得失球-50，同英超哈特斯菲爾特有得比，但唔好忘記英超迫悉匙同榜尾爭好遠，前列份子火力又驚人。德甲直降嗰兩隊都好離譜下，20分左右，得失球-40。考慮到德甲34場意甲38場，紐倫堡漢諾威都唔好過基爾禾幾多。而西甲雖則皇馬巴塞人工好誇，但榜尾啲隊都有30分，得失球又唔夠-30，有機會再研究。
9. 降班膽安坡里都係降班，但表現還可以。榜尾另外一隊乜鬼Frosinone（唔知中文叫乜，火星撚？）一樣係大藍圈。但反而最低人工（仲要係爭尾二都一截）嘅安坡里，Soccerment一早覺得係包尾大幡，賭仔恩物，出到嚟唔失禮。雖則未在條線上，但都近磅。最後同尾四熱那亞同分，可惜對賽成績畀人雙殺，好傷。其實得失球都不及人，無得怨，功虧一簣。
10. 仲想講嘅係，呼，意甲七雄。真係講得出呢個詞就出賣年紀。應該冇記錯。祖雲達斯米蘭雙雄羅馬拉素呢五隊都仲係歐洲賽常客，未必屆屆係但至少未搞到降班之類。但明顯地帕爾馬同費倫天拿已經收檔，畢神（傳奇網友）愛隊帕爾馬就冇得講，人工同啲降班組差不多（但，其實阿特蘭大都係）。費倫天拿就差了，人工其實頭七，但最後尾五，要護級的。
11. 至於拿坡里？當年就唔係七雄的。對上一個興盛嘅年代係馬勒當拿（嘩頂）年代。所謂意甲七雄年代拿坡里係弱旅，後來降埋班。然後07年先上返嚟。
補多個沒有祖雲達斯嘅圖。你見分別都唔多大。幾得意地一大堆中下游都係在線上的，當然個別奇葩（正反面都有）係有，但好似冇其他三大聯賽啲中下游咁亂。
真係最後了，呢個圖先過癮。睇真啲？其實係再上一季（17/18）嘅圖。但個形狀真係同今季差不多。特別係你睇紅綠藍圈：祖雲達斯依然係拋離但藍圈。拿坡里繼續紅圈，AC米蘭連續兩屆係藍圈。而阿特蘭大上一季都係大紅圈了。
即係，18/19嘅意甲，差不多係17/18翻版：一樣係祖仔屈晒機（但應該可以再高分啲），拿坡里繼續英明，AC米蘭繼續水魚，阿特蘭大一樣係最驚喜。
估唔到，最少睇（其實上季好似一場都冇睇！）嘅意甲，係最過癮嘅。所以真係走出下個襟福鬆，唔好成日只係寫自己識或鍾意嘅嘢。
延伸篇章：
英超人工性價比：曼聯水魚無誤，利鏝使得精明，阿車對得住球迷｜李聲揚
記得之前寫過篇德國波文，畀人狂插，狂恥笑上維基睇波。開頭有啲扯火，但諗諗下都係，年紀大記性差體力衰退，講睇波點都多唔過啲新一代（而嗰篇文又真係比較差）。既然係咁，索性個踢法再經濟啲，幾廿歲同你鬥撞咩，直頭唔同你講場波。我就做星期一早上四分衞（Monday morning quarterback），完晒球季先寫文。波都唔使睇。呢排先最多文出。 【蔗渣價錢，踢出…】 …
德甲人工性價比：拜仁大水魚（吹咩？），多蒙特都只係OK，最叻係……？| 李聲揚
上篇 英超人工性價比 ，都算係受歡迎。最重要係個圖。人工買到成功就固然，美斯唔使出糧咩。但上次個圖都大約見到，有一個OK強的線性關係。同埋解咗比你知，唔係 「正比例」，所以計咩平均一分使幾錢，係錯嘅。再講一次， 「正比例」係線性關係嘅特例。所有「正比例」都係線性關係，但唔係所有線性關係都係「正比例」，明冇？ …
西甲人工性價比：唔係巴塞勁，係皇馬廢｜李聲揚
一雞四味，先寫英超，好合理，最多人關注，數據最易搵，亦都最早煞科。第二德甲，第三西甲（呢篇），第四意甲。除咗係煞科次序，亦同啲數據透明度有關。 …
如欲優先下載《體波台》、《Stretford End》、《The Boot Room》及《Invincibles》等多個足球評論節目，請加入體嘢贊助會員計劃。方法如下：
1. 下載Patreon手機程式及開通帳戶；
2.搜尋體嘢專頁（patreon.com/sportsyeah)並訂閱體嘢；
3.支付5美金月費（相等於39港元）。
