FSG欲把Liverpool註冊成商標，利迷狠批「利慾薰心」｜Liverpudlian Ty
利物浦想將 「Liverpool」 呢個字成為註冊商標。球會重申，呢個「只係限於有關足球嘅產品同埋服務」，同埋佢哋唔會將之「全面性」註冊。利物浦表示，作出呢個申請，係要保護球會同埋球迷，以免被通過唔真實嘅產品中獲利嘅人，從中圖利。此舉亦都係想確保，所有使用「Liverpool」嘅服務及產品，其收入會用返喺球會嘅相關事務上，當中包括球員轉會及球場上。
根據 BusinessLive 嘅報道，呢個做法並唔係史無前例嘅，其他英超球會，包括車路士、修咸頓亦都將佢哋個名註冊，應用喺商業嘅業務上。一名利物浦發言人告知 Liverpool Echo，佢表示：「我哋申請緊註冊 「Liverpool」為註冊商標，但係只限於足球嘅產品及服務。」「我哋唔會，亦絕對唔會尋求將『Liverpool』作全面性嘅註冊。」「呢個申請係想嚴格保護球會及球迷，免被不真實產品嘅相關人士從中圖利。」
註冊咗嘅話，亦都意味著球會將可以針對銷售產品或者服務嘅團體及組織，採取法律行動。因為嗰啲產品或者服務，有表明佢哋係利物浦球會嘅官方產品，而且具有 「Liverpool」 呢個字。
據了解，如果使用 「Liverpool」呢個字應用喺真正關於城市方面嘅話，將仍然唔會受到影響。
利物浦發言人表示：「球會有呢種保護嘅好處，就係確保將球會官方產品及服務嘅所有收入，都能夠應用返喺球會度，並且將呢啲收入，重新投資喺球隊同埋基礎設施方面。」
利物浦球迷組織 Spirit of Shankly 對於 FSG 想將 「Liverpool」成為註冊商標作出回應。
佢哋認為「魔鬼喺細節度」，但係因為 FSG 就此事嘅處理，缺乏透明度同埋諮詢，FSG 嘅空泛聲明令事情引起廣泛嘅討論同埋假設。例如，宜家係咪可以假設，如果有人用 Liverpool 嘅名字，就可能會面對法律行動呢？宜家喺利物浦本地嘅球隊，會否因為只係用咗「Liverpool」呢個字，就可能會有事呢？
Spirit of Shankly 亦都表示，多年以來，本地嘅商戶喺晏菲路球場外售賣頸巾、帽、T 恤等等嘅產品，對唔少人嚟講，呢啲係佢哋嘅唯一收入來源。呢啲嘅 T 恤曾經，同埋至今，過去及現在嘅球員仍然樂於穿著。呢啲嘅商戶提供咗球會官方產品嘅另一個選擇，並且喺每個賽日，都有數以千計嘅球迷購買。咁佢哋到時有咩事會發生喺佢哋身上呢？
佢哋亦都表示，喺上個夏天為利物浦慶祝，以及樂觀嘅氣氛之下，好難思考到 FSG 會作出呢個具爭議性同埋缺乏思慮嘅舉動。佢哋認為，呢個做法會同球迷變得疏遠。佢哋話，會珍惜獨立小商戶，因為呢啲商戶能夠為我哋嘅球迷文化及氣氛生色不少，亦即係令到球會成功嘅因素。
最後，Spirit of Shankly 強烈反對 FSG，因為呢個舉動，係公然及明顯地係將球迷嘅足球遺產資本化。佢哋亦都話：「喺呢件事唔只係關乎利物浦呢間球會，呢個係關乎利物浦呢個城市。Liverpool 呢個名字，唔係 FSG 去擁有嘅。呢個係我哋城市嘅名字，係人民所擁有。」
如欲優先下載《體波台》、《Stretford End》、《The Boot Room》及《Invincibles》等多個足球評論節目，請加入體嘢贊助會員計劃。方法如下：
1. 下載Patreon手機程式及開通帳戶；
2.搜尋體嘢專頁（patreon.com/sportsyeah)並訂閱體嘢；
3.支付5美金月費（相等於39港元）。
