高普：過去6年要戴銀牌放暑假，今年終於唔使！ | Liverpudlian Ty
2019 年歐洲聯賽冠軍盃決賽，利物浦憑著沙拿及奧歷治嘅入球，以 2-0 擊敗熱刺，係球會史上第六次成為歐聯冠軍，成為歐洲皇者！領隊高普出席賽後記者招待會，主要內容如下：
1. 高普盛讚佢嘅球員同埋團隊，仲有球會上下嘅家庭成員，所有與球會有關嘅人士。
2. 高普表示：「我主要係感到高興同埋寬慰，呢個感覺實際上亦係為我嘅家庭！因為喺之前嗰六次，我哋放假通常都係帶住個銀牌！」
3. 高普話：「呢個錦標係俾所有喺世界上，並且喺呢個球場上同我哋一齊嘅人，佢哋宜家瘋狂地慶祝。」
4. 高普表示：「你知道啲人對於呢隊波嘅幾名球員講過啲咩。佐敦軒達臣係 2019 年歐聯冠軍隊嘅隊長。」
5. 高普表示：「我哋嘅首席物理治療師 Lee Nobes 喺今年年初效力過曼城，但係佢想贏歐聯冠軍 …… 吖，唔係， 呢個講笑嘅啫！！」
6. 利物浦今季表現相當出色，可惜仍以一分之差不敵曼城，成為英超亞軍。因此，紅軍今次嘅勝利，更加顯得特別同埋激動。高普話：「我哋都喺球場上哭泣，我哋好激動，呢個冠軍對我哋嘅意義重大。」
7. 高普又話：「我哋贏得錦標，會繼續努力嘅。我哋想贏取錦標，對呢班球員嚟講，仍然係一個開始，呢個係重要嘅，有重大意義。」
