薛耶治獲紅軍及歐陸豪強注視 | Liverpudlian Ty
利物浦將會與一眾球會留意及觀察阿積士攻擊球員薛耶治嘅情況。阿積士確認，呢位摩洛哥國腳將於今夏離隊。
薛耶治係阿積士今季其中一位表現出色嘅球員。佢所效力嘅阿積士，只差數以秒計嘅時間，就能夠晉身歐聯決賽對利物浦，同埋佢哋喺國内亦成為咗雙冠王。
現年 26 歲嘅薛耶治，喺今季所有賽事為阿積士射入 21 球，貢獻 24 個助攻，亦都成為該荷甲球會嘅最佳球員。
一般相信，薛耶治嘅合約，有一條價值大約 £25M 嘅解約條款。
現時阿積士體育總監奧華馬斯表示，薛耶治可於今夏離隊，並且得到球會嘅祝福。
奧華馬斯話：「如果有頂級球會想羅致薛耶治，佢就會離隊。薛耶治成為焦點，係因為佢喺歐聯嘅表現。」
「好多大球會都對佢感興趣。」
「我哋應承咗薛耶治，同意要令佢有一個好嘅轉會。」
今夏未必會大灑金錢嘅利物浦，領隊高普正在考慮能夠加強前線攻擊火力嘅選項。據媒體報道，利物浦已於今季考察咗幾位潛在目標球員。
曼聯、阿仙奴、拜仁慕尼黑、多蒙特，亦都與薛耶治扯上關係，甚至有傳拜仁慕尼黑係現時最有機會得到薛耶治加盟嘅球會。
