Paul Joyce：紅軍今夏買人採保守方針，或購布里斯托城左閘｜Liverpudlian Ty
夏天轉會窗已經開啟，Times Sport 有一篇文章，講英超 Big Six 需要啲咩球員，同埋佢哋需要洗幾多錢。其中 Paul Joyce 有講到利物浦，喺度同大家分享吓。
利物浦需要啲咩呢？
利物浦方面嘅睇法係，球隊嘅陣容實際上係完滿嘅。不過係有需要加強左閘位置同埋同時經常關注攻擊球員嘅位置同人腳，但並唔容易，備受好評嘅年青前鋒 Brewster 會給予機會。班主 FSG 嘅策略改變，從花錢買人變成將資金用喺留住球員方面。自從上年四月份開始，利物浦已經同八位球員續約，包括沙拿、文尼及費明奴，意味著合共邊際成本上升，係介乎 £150M 至 £200M 之間。基於喺球隊嘅表現同帶來嘅影響力，雲迪克應該會係下一批會得到續約嘅球員之一。
利物浦對咩球員有興趣？
利物浦嘅球探，同埋好多來自頂級聯賽球會嘅球探，包括阿仙奴及修咸頓，都有嚟睇英冠球會布里斯托城左閘萊特基利（Lloyd Kelly），呢位英格蘭 U21 國腳亦都可以踢中堅。羅拔臣已經發展成為歐洲其中一位最佳左閘之一，但係如果有一位有潛質嘅球員，兼且仲可以踢多過一個位置，相信會有啲吸引力。
有邊啲球員會離隊？
摩蘭奴同埋史杜歷治將會今季結束後約滿，後者仍然就佢違反英足總嘅博彩守則，等待裁決結果，究竟會否要罰停賽。已成為艾利臣副手嘅門將米奴列，想得到出場機會，但係佢嘅態度實在係一個典範。另外，對一啲外借結束後歸隊球員嘅情況，需要作出決定，包括外借往英冠打吡郡嘅哈利威爾遜（Harry Wilson），同埋外借往蘇超格拉斯哥流浪嘅賴恩肯特（Ryan Kent）。如果打吡郡能夠成功升上英超嘅話，佢哋可能會嘗試買斷哈利威爾遜。利物浦之前曾經喺出售球員嘅時候，會加上回購條款，就好似喺 2016 年，佐敦艾比轉會般尼茅夫咁。
利物浦需要使幾多錢？
從來冇話會有啲咩指定預算。對於買人方面，利物浦宜家會比較機會主義同埋務實嘅態度，當情況出現嘅時候，就會作出反應。預料唔會大灑金錢買人，但係關於呢樣嘢，經常都係作出咁樣嘅警告。
