利物浦喺英超煞科日，主場以 2-0 擊敗狼隊，全取三分。由於曼城亦都贏波，最終利物浦只能成為聯賽亞軍，再次與聯賽錦標擦身而過。領隊高普出席賽後記者招待會，主要內容如下：
1. 高普表示：「恭喜曼城，一隊擁有非凡表現，非常穩定嘅球隊，兩季合共取得 198 分，係非比尋常嘅。我哋嘗試咗所有嘢，盡力去令到佢哋感到困難，但並唔足夠。我對班球員嘅表現感到驕傲。」
2. 高普話：「明顯地我哋必須作出努力，曼城亦都係。我哋喺呢個星期嘅目標係攞到 97 分，我哋做到，呢個係特別嘅。我哋想撰寫我哋嘅歷史，而我哋亦都做咗。」
3. 高普話：「如果我要坐喺度，同埋講所有關於球隊正面嘅嘢俾你聽嘅話，我哋將會去到喺歐聯決賽前嘅一個鐘頭先至能夠離開，呢個係事實嚟。班球員擁有我最崇高嘅尊敬。球迷點樣去面對呢個球季爭標嘅旅程，亦係好到令人難以置信。利物浦正處於最佳嘅時刻。」
4. 高普話：「所有人都知道我哋會繼續努力，但係呢個時刻，我哋會感到失望。」
5. 高普表示：「我哋準備向下一個目標進發，我哋將會邁向下一步嘅發展。」
6. 高普話：「只要曼城繼續擁有呢種力量、質素同埋實力，要超越佢哋唔係容易嘅事。你需要非常，非常接近完美先至能夠成為聯賽冠軍。」
7. 高普話：「呢隊係利物浦歷來最好嘅球隊之一，我哋會繼續努力，100%。」
