羅拔臣唔介意被蘇亞雷斯侵犯：最重要係邊個入到決賽 | Liverpudlian Ty
羅拔臣將於星期三進行掃描，以便能夠知道佢小腿受傷嘅程度。
呢位蘇格蘭國腳，因為喺完半場前與巴塞隆拿前鋒蘇亞雷斯相撞，半場時要退下火線。
利物浦領隊高普喺賽後透露，羅拔臣嘅小腿有事，佢喺球員通道嘅時候，講咗一啲佢嘅情況。
羅拔臣表示：「現時嘅感覺並非最好嘅時候，但係聽日我會進行掃描。」
「佢哋有信心只係與神經之類有關嘅事，或者需要幾日左右，但我哋要睇睇個情況係點。我哋真係唔能夠評論太多，直至我做完掃描先。」
除此之外，羅拔臣喺賽後接受 BT Sports 訪問，被問到與蘇亞雷斯嘅對壘，佢感到高興能夠笑到最後。
佢話：「邊個入到決賽呢？我哋晉身決賽，呢個係最重要。我退下火線之後，韋拿杜姆入替，並且取得兩個入球。」
「老實講，宜家我唔會介懷呢啲嘢。保祐我將會冇乜大礙，但係呢隊波係令人難以置信，真係嘅。我今季真係講咗好多次，但係，嘩！我的天呀，呢隊波真係 …… 」
