高普證實費明奴歐聯缺陣，沙拿傷勢尚待觀察 | Liverpudlian Ty
利物浦作客喺兩度被追平嘅情況下，憑著後備入替嘅奧歷治入波，以 3-2 力克紐卡素，取得重要三分，將聯賽冠軍嘅爭奪帶到煞科日。領隊高普出席賽後記者招待會，以下係主要嘅內容。
1. 被問到係乜嘢令你贏到呢場波，高普表示：「係鬥心，實在令人難以置信，我哋值得取勝。呢場賽事並唔容易，尤其是要面對身體條件比我哋好嘅對手。沙拿受傷離場後，我哋繼續戰鬥，對此我實在感到驕傲。當時嘅我還好，並保持冷靜，因為當其時我認為，呢個係命運。最終我哋得到呢三分，並且能夠晉身喺下星期日嘅『決賽』，係一件好正嘅事。」
2. 高普話：「根據我哋嘅分析，佢哋圍繞死球方面所做嘅嘢係做得非常之好嘅，好似今晚雲迪克喺禁區無人看管嘅情況，實屬罕見。」
3. 講到頂入致勝入球嘅奧歷治，高普表示：「我可以講啲咩呢？真係好美妙，就好似童話故事咁，呢個真係一個重要嘅時刻。」
4. 高普表示，沙拿受傷離場之後，坐咗喺更衣室睇咗餘下部份嘅賽事。佢又話：「佢情況良好，但係能否上陣對巴塞隆拿，仲要繼續留意同觀察。佢嘅頭部受咗傷，要進行評估。」
5. 至於費明奴，高普確認，呢位巴西前鋒唔會喺星期二上陣對巴塞隆拿。
