高普：雖然輸3-0，但這是利記踢得最好的歐聯客場賽事 | Liverpudlian Ty
利物浦喺歐聯四強首回合，作客以 0-3 不敵巴塞隆拿。紅軍努力爭取入球，然而把握力不足嘅老毛病再次出現，同時美斯嘅表現亦係對方嘅致勝關鍵。領隊高普出席賽後記者招待會，主要內容如下：
1. 高普表示：「我哋喺呢場賽事真係踢得唔錯嘅，但係最終佢哋入咗三球，而我哋冇入球，你係要接受嘅。」
2. 高普話：「我哋未能取得一個入球，未能夠為事情變得比較容易。但係對於點樣踢呢場波，同埋發展與成長方面，我嘅球員贏得好多嘅尊重。呢場賽事有好多有趣之處，但係最終我哋落敗。」
3. 高普表示：「我哋有用波同埋控制比賽嘅時候，我哋有俾佢哋跑動，需要作出防守嘅時候，我哋有創造入球機會嘅時候。但係最終，冇人真係會有興趣理會呢啲嘢，可能只有沉迷於足球嘅人先至會去諗呢啲事情。因為呢個係關乎賽果，而我哋以 0-3 落敗。」
4. 高普話：「呢個將會有一個時刻，我能夠再次令到球員相信，就係呢場賽事對我哋嘅成長與發展係有幾重要。因為我真係覺得，今場係我哋踢得最好嘅歐聯作客賽事。呢個對我哋嚟講，係一個非常重要嘅訊息，而唔係俾外面嘅世界。」
5. 被問到仲有次回合，利物浦仲有冇機會。高普表示：「因為呢個係足球比賽，所以係有嘅。但係，請容許我咁樣講，喺呢場波之前，我哋有較大嘅機會。我哋應該仍然有機會嘅，呢個並唔係用嚟誇誇其談，或者表示沮喪嘅晚上，去講要喺早段取得入球，同埋其他無謂嘅嘢。」
