占士米拿：軒達臣係偉大嘅領袖 | Liverpudlian Ty
首回合領先 2-0 嘅利物浦，嚟緊會作客波圖，進行歐聯八強次回合嘅賽事。領隊高普及中場球員占士米拿出席賽前記者招待會，主要內容如下：
1. 對於波圖領隊干斯卡奧嘅稱讚，高普回應：「佢話我哋係世上最好嘅球隊？有時我哋真係表現良好，同埋希望能夠再次表現出嚟。呢個係一個讚美，但係我哋知道要面對一項艱難嘅任務。」
2. 高普話：「我哋嚟到係要晉身下一圈嘅賽事。我哋要相當努力，喺現時嚟講，波圖喺歐聯嘅主場賽事全部都能夠取勝。」
3. 講到巴西球員嘅影響力，高普表示：「世界各地都有世界級嘅巴西球員。我哋羅致艾利臣及法賓奴，唔係因為佢哋係巴西人，而係因為佢哋真係好嘅球員。」
4. 被問到今場次回合賽事嘅戰術，高普回應：「聽日會點做，我哋將會喺球場上表現出嚟，而唔係喺記者招待會上。」
5. 高普表示：「球員知道，當我作出分析嘅時候，會將事實話俾佢哋知，唔需要同佢哋講『波圖真係勁架』，因為佢哋已經知架喇。當時波圖主場對羅馬，佢哋主導咗場波。」
6. 被問到利物浦想奪得英超冠軍，定係歐聯冠軍多啲，高普回應：「聽日係所有嘢都係關於歐聯，然後星期日就係英超。」
7. 高普話：「如果有啲咩難答，或者尖銳嘅問題，留返俾占士米拿啦。」
8. 高普表示：「當我由飛機行去巴士嘅時候，我當時喺度諗，我哋再次嚟到呢度，真係感到難以置信。我哋一齊所經歷嘅旅程 ……. Conquered all of Europe 係我哋其中一首最好嘅歌曲。」
9. 占士米拿表示：「我哋只係想專注喺自己身上，呢個就係我哋能夠控制嘅嘢。我認為之前三次晉身決賽嘅經驗，會對我哋有所幫助。之前遇過所有高壓力嘅情況，令我哋變成一個更好嘅群體。」
10. 占士米拿話：「呢個係我哋一個友好嘅玩笑，睇吓邊個有最多嘅助攻或者入波。只要我哋最終能夠贏得錦標，我並唔在乎邊個係最多。」
11. 占士米拿表示：「係正面嘅，我哋好少會傾到時將會有咩事可能會發生。我哋以同樣方式進行操練，精神面貌亦係一樣。喺更衣室嘅氣氛係非常正面，成班球員只會專注喺我哋能夠控制到嘅事情上。」
12. 占士米拿話：「信心已經喺球隊之中，但係你唔能夠喺整個球季都踢出最佳水準嘅足球。所以當我哋取勝，同埋真係踢得出色嘅時候，會令我留下深刻印象。」
13. 占士米拿表示：「我哋肯定知道，嚟緊場波會有幾難應付。上季贏 5-0，係一個有點唔真實嘅賽果。如果我喺波圖嘅更衣室，我會想喺利物浦身上取得一個入球，任何一方只要一個入球，就會將晉級形勢改變。」
14. 講到軒達臣，占士米拿話：「我哋都知道佢有幾好，佢係一個偉大嘅領袖，並且喺之前踢 6 號位嘅時候，有好好嘅表現。你踢嗰個位置唔會搶眼到成為頭條，但係佢嘅表現真係好出色。因為近期嘅表現，令佢獲得更多嘅認同，係一件好事。佢喺我哋隊中有好大嘅影響力。」
