添姆雲拿拒絕續約 | Liverpudlian Ty
隨著德國前鋒添姆雲拿已經為自己喺 RB 萊比錫嘅未來作出決定，利物浦正在留意佢嘅情況。
備受好評嘅德國國腳前鋒添姆雲拿已經拒絕 RB 萊比錫開出嘅新約，因為佢想轉投其他球會。
利物浦領隊高普一向都欣賞添姆雲拿，預料佢喺今個夏天加強前線嘅攻擊火力，加上史杜歷治將會離隊，同埋奧歷治嘅去留仍然未明朗。
RB 萊比錫行政總裁 Oliver Mintzlaff 告知 Skysports：「眾所周知我哋想同添姆雲拿續約，但係佢已經表示唔想簽下新約。」
「我哋要睇吓乜嘢係對我哋同添姆雲拿係最合適嘅。」
現年 23 歲嘅添姆雲拿，被視為德國球壇其中一位最有天份嘅球員，今季總共射入 14 球。
利物浦當然對添姆雲拿有興趣，但係如果想羅致佢嘅話，要面對其他歐洲列強嘅競爭，當中包括德甲勁旅拜仁慕尼黑對佢虎視眈眈。
添姆雲拿嘅合約將於 2020 年屆滿。
