高普：我哋終於能夠將『跣腳』呢本書衾埋佢 | Liverpudlian Ty
利物浦憑著文尼同沙拿嘅兩個精彩入球，主場以 2-0 擊敗車路士，取得重要嘅三分，保持爭奪聯賽冠軍嘅機會。領隊高普出席賽後記者招待會，主要內容如下：
1. 高普表示：「我哋控制及主導咗場波 80 分鐘，我哋表現出色，有更好嘅主場氣氛，同埋一個非常、非常重要嘅戰果。」
2. 高普話，軒達臣嘅「腳踝只係輕微嘅受傷」，「係痛嘅，但並唔係問題，佢喺賽後情況良好。」
3. 高普表示：「你喺呢段日子可以見到嘅係，由第一秒鐘開始，就已經有理想嘅融合，就好似今日咁。喺足球嘅角度嚟講，我哋同三名中場球員正處於一個真係唔錯嘅時刻。」
4. 講到沙拿嘅入球，高普話：「呢個入球令我感到震撼！我第一個目睹呢個入球，係一個出色嘅入球。」
5. 高普補充：「我亦都喜歡第一個入球。呢球波嘅入球方式，令我諗起 2016 年歐霸盃對多蒙特贏 4-3 嘅入球。相似嘅情況，出個靚波去遠柱，一個好嘅頭鎚，良好嘅團隊表現。只係由占士米拿變咗軒達臣，同埋洛夫雲變咗文尼。」
6. 高普表示：「我哋終於能夠將『跣腳』呢本書衾埋佢喇。羅拔臣今日有跣腳嘅情況，但係冇事發生！」
