車路士的未來——應用盡一切方法將世三留下｜William
本來想完季先寫， 但到時可能已經太遲。
我絕對唔同意用生意角度睇足球。宜家唔放，下年可能一蚊都收唔到，呢個係事實。
不過，以世三今時今日嘅實力，輕易將佢放走嘅後果必定後患無窮。尤其過去管理層短視嘅心態，要去核再重建完全比唔到我信心。鍠放走一季入50球嘅牙朗，後果大家都睇到，無人接到班，呢50球由成隊攤分亦做唔到。宜家未完季，世三入波加助攻佔全隊接近一半，Pulisic、Odoi（當留到佢）可以接到班？我斷然投下不信任票。
根據管理層往蹟， squad building都係透過買星。但油王縮水，球員身價暴升，用返呢一億都一定買唔到同級數嘅人。更何況，我真係覺得世三呢個名唔係流，Mbappe、Neymar勁過佢咩？我唔覺，at least Mbappe一定唔係，上年世界盃八強就已經證明Neymar被比下去。仲有Griezmann、Dybala可以比較下，但呢堆人點都唔係用一億就可以掘到。所以賣走世三，然後想複制過去嘅模式重建係接近無可能。
咁一億可以買咩人？世三同門師弟里爾新星 Nicolas Pepe，墨西哥妖人 Lozano（德國人嘅惡夢），利華牙買加翼鋒Bailey（全部應該都唔過一億掛？:o)）但呢啲選擇，點都一定有落差，潛力係有，不過風險都唔細，預定下季爭四都未必有得爭就差唔多。當年35m euro買到世三只係僥倖，同樣嘅事要做第二次唔係咁易。
輕易放走世三換來咁多難以解決嘅問題，而且鍠仲想壓價壓到86m euro，最理性嘅做法應該係嘗試用一切方法令世三續約。球員利益永遠唔應該凌駕於球會利益，V92就試過雪迪基亞焗佢續約，呢招大技值得仿效（下年歐國盃）。但呢招一用就好可能會搞到大家關係好差，唔到最後都唔應該用，當下點都要試下再出多啲錢傾續約。鍠出350k，我哋就出得300k咋，山狗450k呀（笑）。世三真係咁想走，咪set多個150m release clause做續約條件，咁大家都公平啲，等鍠再bid都無咁傷。
Hi Auntie死鍠，盧卡古得返一年約都賣90m euro，訓醒未呀？兩屆英超mvp世三賣86m euro？賣比你都傻的嗎。
（唉，其實唔應該打呢篇嘢，應該有其他嘢要打?
但尋晚睇到世三美欺上身，一扭五再入埋波真係忍唔住…… 無計，football is my religion ??♂️）
資訊浩瀚；東張西望。
竭盡所能；深入求真。
企高一格；全新體法。
