利物浦將出售小將甘馬曹｜Liverpudlian Ty
較早前 goal 嘅 Neil Jones 提及過，利物浦年青球員拉菲爾甘馬曹或會被出售。根據 Skysports 所得到嘅消息，利物浦同呢位葡萄牙小國腳嘅續約談判未有進展。
現年 18 歲嘅拉菲爾甘馬曹，同利物浦嘅合約將於下季季尾屆滿，根據媒體報道，有多間歐洲球會對佢有興趣。
本身係葡萄牙 U20 嘅拉菲爾甘馬曹，喺 2013 年離開葡超球會士砵亭，轉投英超球會曼城，及後喺 2016 年加盟利物浦，並簽下 4 年合約。
今年一月，利物浦喺足總盃第三圈輸俾狼隊場波，係甘馬曹首次為利物浦一隊上陣，及後利物浦贏水晶宮 4-3 嘅聯賽，佢喺下半場後備入替。
