費基亞經理人：膝傷絕非轉會失敗的全部原因 | Liverpudlian Ty
費基亞嘅經理人承認，呢位里昂中場膝部嘅情況令到利物浦當時放棄羅致，但強調呢個只係事情嘅一部份。
利物浦喺上年 6 月，接近以 £53M 嘅轉會費，從里昂簽下費基亞，並且同意給予一份為期 5 年嘅合約。
費基亞當時已經穿上利物浦嘅球衣，並且接受利物浦官方媒體嘅訪問，但係呢個轉會交易最終胎死腹中。
體測嘅掃描結果顯示，費基亞喺 2015 年嘅前十字韌帶傷患，令人感到關注。利物浦嘅管理層認為，鑑於呢單轉會所牽涉嘅成本，風險實在太大。
當時里昂主席歐拿斯試圖聲稱已經離開咗談判行列，同埋接近費基亞嘅人士亦嘗試將呢位法國國腳嘅膝蓋問題淡化。
10 個月過後，費基亞今季為里昂上陣 34 場，射入 12 球，佢嘅去留問題喺法國再次成為討論嘅話題。
費基亞同里昂嘅合約將於 2020 年屆滿，但係一直無法就續約達成協議，預料喺今個夏天會離隊他投。
佢嘅經理人 Jean-Pierre Bernes 向法國媒體 《隊報》表示：「呢個唔係關於繼續留隊嘅事情。」
「同埋我哋將會知道，可能係費基亞最終無法成功加盟利物浦嘅真實情況。」
「膝部問題只係事情嘅部份，其實並唔止咁。佢已經過咗體測，著上利物浦波衫影相 …… 」
費基亞嚟緊會何去何從，情況將會更加複雜，因為佢同現任經理人之間嘅合約將於今個月嘅稍後時間屆滿。
