高普回應接掌拜仁帥印：我只會繼續堅守利物浦｜Liverpudlian Ty
就德國媒體 Die Welt 關於利物浦領隊高普與拜仁慕尼黑之間嘅傳聞，高普對此作出回應。
高普表示：「我有一份同利物浦直至 2022 年嘅合約，並且冇人覺得我哋應該取消呢份合約。喺球會班主同埋我哋方面，都無意向取消合約呢個方向發展，所以冇人需要考慮呢樣嘢。」
較早前，德國嘅「凱撒大帝」碧根鮑華提議，高普好適合拜仁慕尼黑。高普回應：「碧根鮑華只係講咗一句說話而已，當然會引起好多人嘅注意，但係佢從來都唔會理會呢啲嘢。」
關於自己喺利物浦嘅工作同埋將來，高普表示：「唔知道，宜家仲有一段長時間，機會同埋時機要合適。但係我喺利物浦係完全地感到開心，同埋我唔覺得我嘅工作已經完成，我哋仍然能夠一齊努力一段長時間。」
