[利物浦VS熱刺] 高普：人有50萬種勝利的方式，有時需要具運氣的一種｜Liverpudlian Ty
利物浦主場以 2-1 擊敗熱刺，高普出席賽後記者招待會，主要內容如下：
1. 高普表示：「上半場我哋本應可以取得更多入球，我哋入咗一個美妙嘅入球，下半場嘅情況並唔係咁。」
2. 高普認為：「今日我哋嘅死球並唔差，第二個入球係有運氣。我同啲球員講，有 500,000 個方法去贏一場波，但係今日並唔漂亮。但係你係需要運氣架，我對戰果感到非常高興。」
3. 高普話：「我哋宜家有呢個勢頭，並非巧合所致。呢樣嘢係幫到我哋，我哋會喺 5 日後作客修咸頓。班球員再次展現出，佢哋準備好作出戰鬥。」
4. 講到法賓奴後備入替，高普表示：「佢只需要對住已經疲倦嘅對手踢 15 分鐘，但係當然佢嘅表現出色。上半場我哋有非常好嘅時刻，但係並唔足夠。如果你要換入後備球員，個計劃就係要令佢哋產生作用！」
5. 高普話：「自從球隊一度被對手追和之後，呢個係自從我嚟到利物浦以來，球迷最佳嘅表現。」
6. 關於雲迪克嘅情況，高普表示：「我哋需要留意同觀察，相信係莫沙施素高踢到佢。我唔知道佢係扭傷定係輕微受傷，佢有帶著一個大冰袋，我哋要觀察同留意佢嘅情況係點。」
