[利物浦VS熱刺] 高普：欣賞熱刺組軍方針｜Liverpudlian Ty
國際賽期結束，近日傷疲盡起嘅利物浦，將會重返英超聯賽，星期日喺主場迎戰熱刺。領隊高普出席賽前記者招待會，主要內容如下：
1. 高普表示：「今次係第一次所有人返嚟都健健康康，係好事嚟。由琴日開始，我哋已經人齊喇。」
2. 講到沙拿喺國際賽期間唔使踢國家隊賽事，高普表示：「100% 佢係受益嘅，喺呢段期間攞到新鮮感。唔單止係沙拿，仲有其他唔使喺國際賽期間踢國家隊賽事嘅球員都係。」
3. 高普表示，祖高美斯、阿歷山大阿諾及沙基利已於琴日全面復操。
4. 高普話：「我其中一個最大嘅錯誤係，當時對於張伯倫準備復出嘅事感到太過興奮。宜家我哋會比較將佢收埋啲啲，低調少少。佢將會進行操練，同埋當佢準備好正式復出嘅時候，到時我會話你知。」
5. 談及種族主義，高普表示：「對於呢樣嘢，喺世界上係有發生嘅可能，我感到好失望，呢樣嘢真係好令人沮喪嘅。唔可以忽視種族主義，我哋對此要大聲疾呼，同埋將呢類事情完結。」
6. 利物浦嚟緊有 4 場主場嘅賽事，高普話：「當中有兩場係對熱刺同埋車路士。我哋喜歡喺晏菲路作賽，但係尊重對手。佢哋各自都有需要搶分嘅理由，我睇唔到有一個好大嘅優勢同埋好處。」
7. 講到對手熱刺，高普表示：「喺成個國家嘅球員轉會情況嚟講，佢哋冇進行轉會操作，係好引人注目，成為頭條。佢哋係一隊真正嘅足球隊伍。如果你有一隊正確嘅人腳集合埋一齊嘅話，係唔需要喺轉會市場上做好多嘢。對此，我對佢哋嘅做法深感敬重。」
8. 高普話：「我 OK 吖，近況幾好，我想有呢啲情況，並且知道呢啲賽事有幾困難。點解我哋要俾熱刺有優勢，跟住話宜家我哋係要取勝呢？我哋大家都唔好太過瘋狂了，要接受我哋喺球賽上係會遇到有問題嘅時候，就好似對富咸場波咁。」
9. 高普表示：「信念係緊要嘅，但係我相信曼城都有信念，其中一隊將會感到失望。」
