FIFA19 －－ FUTMAS SBC，砌定唔砌？ | 蔣美葉
由上週五開始，一如過去兩集，EA 每日都於 FIFA 19 開放三張新 FUTMAS 嘅 SBC。而本年出 FUTMAS 嘅「pattern」就每日以一個數字作主題 (由 #11 開始倒數，直至聖誕節當日嘅 #1 為止)，例如 12月19日以 #7 作主調，就有身穿七號波衫嘅孫興慜、目前世界排名第七嘅烏拉圭國腳沙拉基同上季位列意甲第七嘅阿特蘭大球員連干尼。
但同上集唔同嘅係，上集每個 FUTMAS SBC 都上架 48 小時，但今集則只有 24 小時，換言之讓玩家去考慮砌定唔砌，又或者密密打 matchcoin「籌旗」嘅時間都大大縮短咗足足 24 小時。所以，不少玩家每逢新 FUTMAS SBC 上架後都會四處張問：砌唔砌好？
個人而言，結合過去兩集經驗，FUTMAS 卡嚟講，要非好有愛，都唔建議砌。特別當 FIFA 19 裡嘅 FUTMAS，最平都動輒 4、5萬 coins，再加上今集特別卡多不勝數（黑卡固然有，OTW 外又有 UCL/UEL LIVE，猶如上集 PTG，而 League SBC 亦二揀一及回春卡 (Flashback) 提早出台（去年是在 FUTBIRTHDAY 的日子時才推出）等等），何愁你陣中個別位置無人用？
最後，與本文主題無關，有說 EA 今集已經出咗好多張左中場/翼既特別卡，尤以英超最為嚴重（一數之下發現史達寧、夏薩特 (POTM)、拉舒福特、孫興文 (FUTMAS)、文尼、菲臘比安達臣*、韋利安、馬斯亞、沙尼 (IF)、李察利臣 (OTW)、山齊士 (UCL LIVE)）。面對此種論說，不禁戴返副黑超拋下一句：少年，你太年輕了。FIFA 世界裡近年都係 LM 多於 RM，如 FIFA 18 入面，德甲嘅 TOTS 就一張 RM 都沒有，反觀 LM 依印象所及，都至少有 3 張。同樣地，FIFA 裡面靚嘅右閘比起左閘少好多，所以先做成上年第一輪世界賽，十之八九嘅選手都係用 IF 華倫西亞。不過，左右失衡嘅問題，又豈能全怪在 EA，要怪就怪今日嘅右路球員都唔爭氣。
* 安達臣已出到 SIF。
