（文：Reddit User AggravatingPickle）
我唔知我應該用咩心情面對一切——更何妨係寫呢篇文。
對於大部分人而言，維猜係李斯特城童話故事背後嘅金主。呢個故事稱得上係我哋呢代最正——或者係史上最正嘅童話故事。
但對李城支持者嚟講，佢係一個實現我哋夢想嘅人。佢令我哋企喺英格蘭之巔，更加同全部人講呢個世界冇嘢唔可能。
包括一個地區記者，一個報導一間由細撐起球隊嘅一個地區記者。
用文字形容佢為呢個球會、為呢個城市所做嘅一切，簡直係不可能嘅任務。
2002 年，佢嚟到李斯特城八年前，呢間接近破產嘅球會入面喺一個個被解僱嘅職員。當時我哋唔知仲有冇機會繼續支持呢隊球隊。2008 年，我哋第一次降班去第三級聯賽。
呢兩件事之後，我哋聽到有泰國富豪想買呢支球隊。嗰陣實在係百感交集：我哋興奮嘅係終於唔使困擾財政問題；但一個連名都都未聽過嘅外國人，有幾可會真係鐘意足球？
佢會唔會想轉走球隊個名？我哋波衫會唔會變做紅色？佢玩厭咗，會唔會三分鐘熱度走人？
冇。佢唔只畀咗金錢，亦都畀咗尊重。
前四年佢借畀球會總共一億鎊，再轉晒做冇得隨時拎走嘅股權。啲債務一次過清晒，我哋唔再係一支接近破產嘅球隊。之後係球員。有時仲多得滯。第一個領隊艾歷臣嘅買人未必成功，但有野心。佢哋想李城爭贏。
2014 年用800萬鎊買烏路亞嘅時候，打破嘅係14年前500萬鎊買艾堅比耶嘅紀錄。但個紀錄而家係施利文尼嘅3000萬鎊，仲差啲變成施古臣嘅4000萬鎊。呢個夏天用咗成一億嘅事實，對球迷嚟講仍然無法置信。贏完英超之後嘅投資仲係源源不絕。價值一億嘅訓練場，仲有計劃擴展嘅球場。
冇佢，唔可能。
佢同佢屋企人愛嘅係球會，亦都係呢個城市。
呢幾年嚟，佢地區上捐咗200萬鎊起新嘅兒童醫院、100萬鎊畀大學嘅醫科。對於一個有50億鎊身家嘅人，呢啲只係濕碎。但對另一班人，呢筆可以話係救命稻草。
佢入主之後，球會只有一個方向：向上。英冠、英超、歐聯八強。
當中佢做咗唔少決定，但係你唔會覺得一個億鎊富豪會用感情去蓋過事實。
大把人鬧佢，話佢唔應該炒雲尼阿里。呢件事的確令人傷心，但李城球迷心底中會同你講呢個決定做得啱：再唔落呢個決定，我哋只會降班。就好似投資落我哋度一樣，呢個決定係為球會而做嘅。
李城球迷好少聽佢公開講嘢。有時會有人話佢太想成為焦點，就好似舉起英超獎盃嗰日，佢曝光得最多，仲拎住個獎盃環住球場跑咗一圈。可能啲人講得啱，但邊個唔會有錯漏？但大佬，當一間球會有99%嘅錢都係由你身上拎返嚟嘅時候，邊個仲有權話你？
不過佢係一個獨立嘅人。佢有時會自己一個落決定，最多都係同幾個信得過嘅人傾下。
我唯一一次見到佢係喺幫 Leicester Mercury 最後一次報導球會動向嘅時候。佩爾邀請我去佢辦公室，傾到一半嘅時候維猜行咗入嚟，同佩爾祝咗個好運。佢唔高，但有嘅係權威：我同佢握咗個手，收到個『Hello』。
嗰場係對愛華頓嘅比賽，亦都係韋斯咸呢晚嘅前一場主場比賽。
作為一個啱啱轉新工嘅人，你唔太會想用呢篇去做你嘅處女作。
資訊浩瀚；東張西望。
竭盡所能；深入求真。
企高一格；全新體法。