對卡迪夫城賽前，車路士領隊沙利表示，自己每日為車路士工作13個小時。係咩動力驅使佢每日勤勞工作？佢話係愛啊沙利！
「有時我喺訓練場工作，有時返到屋企都會工作。」「執教好花時間架，但對我嚟講係一種樂趣。我唔會將車路士領隊當係一份工，我每日做12或13粒鐘頭嘅嘢，但對我嚟講唔係呢啲唔係一份工。」
沙利形容，佢投放不少時間喺睇帶同分析對手。「我地23日之內要踢7場波，所以我一定要做嘢。」「我已經睇唔少對手嘅比賽，有卡迪夫城、PAOK、利物浦同韋斯咸，所以我點都要開工。」
「到目前為止，我好開心能夠留喺呢度。喺呢度有好大個花園畀我隻狗玩，所以佢喺呢度嘅生活好愜意。我都好開心，我覺得呢度就好似我嘅屋企，呢度有家的感覺。」「我屋企嘅位置距離訓練場五英里，就喺Surrey，同我嘅名好似。」
資訊浩瀚；東張西望。
竭盡所能；深入求真。
企高一格；全新體法。