奇雲保定：點解回歸意甲？因為pasta正！｜體嘢報道
加納「王子」奇雲保定在今夏從德甲法蘭克福轉投意甲薩斯索羅。這位職業生涯遊遍四大聯賽的中場球星接受〈圖片報〉訪問時表示，他之所以回歸意甲，是因為他鍾情pasta（意大利麵）。
奇雲保定曾經在2010至2013年效力AC米蘭。他表示：「意大利有pasta，係超級好食嘅pasta！最近我去左間餐館食飯，嗰度啲pasta真係太好食，我甚至入埋廚房同廚師擁抱！好食到咁真係好唔正常，稍一不慎真係會食到變肥。」
「我離開德國，不只為左同屋企人距離更近，仲有羅拔高華已經離隊（法蘭克福）。我係因為佢先去法蘭克福，都唔係秘密。除此之外，我想帶正面嘅回憶離開德甲。我知道，當我返去法蘭克福，嗰度嘅人仲會攤開手臂歡迎我。你話幾美好呢，我終於唔係被人趕走！」
「過去三四季，我真係比之前踢得勤力。以前我紀律麻麻。」「而家我專業好多，場外都係一樣。如果以10滿分，我會為我嘅職業生涯畀7分。有啲時候我接近8分，但有啲時候我連5分都拎唔到。」呢位加納王子總算生生性性，希望佢喺薩斯索羅繼續發熱發亮！
資訊浩瀚；東張西望。
竭盡所能；深入求真。
企高一格；全新體法。
