一衫一意 – 國際米蘭1988/89主場 | 意甲大本營
之前講到米蘭波衫就提起過「荷蘭三劍客」，但其實同時期嘅國際米蘭都係滿天星架，當中最出名當然就係「德國三劍客（又名德國三頭馬車）」 ——馬圖斯、布林美以及後一年加入嘅奇連士文。
而1988/89呢件主場波衫亦都係意甲經典之一。Uhlsport呢個德國牌子比較少在意甲見到，事實上國際米蘭亦只係88-91年用左佢地三個球季，但係又啱啱好食正隊中德國三頭馬車旋風，應景非常，特別顯得呢件波衫珍貴。 胸口嘅Misura贊助廣告亦都十分精美，歷久常新。
但講到最特別嘅地方當然就係呢個復古嘅「蛇精靈」會徽，時至今日呢個版本嘅會徽依然深受喜愛，亦都令到呢件波衫更加經典同值得收藏。
另一個特別之處就係呢件波衫用咗淺藍色配黑色，整個感覺睇起上嚟十分清新，着上身後成個人有一種如同晴朗天空一樣的活潑和氣魄。
唔知大家又鐘唔鐘意呢件波衫呢？
