法國助教：簡迪唔識發脾氣 | 體嘢報道

車路士中場簡迪（N’Golo Kante）以性格內斂、沉穩和默默耕耘精神，贏得球迷喜愛。法國國家隊助教史堤芬（Guy Stéphan）接受RMC節目訪問時更指，簡迪是一個不懂發脾氣的人。

「球員專誠為佢作曲，可想而知法國隊上下幾鍾意簡迪。」「佢係怕醜仔，脾氣好到不得了，對任何事都好滿意，未見過佢發老脾。」「我地成日去問佢：『N’Golo（簡迪名字），啲嘢食啱唔啱你？』『好。』『你尋晚訓得o唔ok？』『好。』『你攰唔攰？』『好…..精神。』」

史堤芬也證實，簡迪在世界盃決賽期間胃部不適，照樣為國上陣，此舉更贏得隊友崇敬。要有這份勤勞、低調和奉獻的精神，才能成就這位覆蓋地球三成表面的男子。

體嘢編輯部

資訊浩瀚；東張西望。
竭盡所能；深入求真。
企高一格；全新體法。