FIFA 19 數值流出 | 蔣美葉
距離 FIFA 19 DEMO 釋出日剩返唔夠三星期。
不過，官方至今還未公佈 DEMO 釋出日，但一般估計一如以往，DEMO 會在正式版發售前兩星期釋出，而今集正式版發售日定於 9 月 28 日，故今集試玩版預計在 9 月 14 日前後釋出。
雖然尚有一個月時間，但網絡上已流出大量 FIFA 19 內唔同球員嘅最新數值。例如已獲多間媒體介紹，喺新一集入面，迪布尼、迪基亞、摩迪將擁有 91 嘅 OVR，而 Harry Claim 亦將與基沙文、戴巴拿等睇齊，一同獲 89 嘅 OVR。
而最為教小弟期待嘅流出，固然係利物浦喺新一集裡面會被 EA 以甚麼樣嘅程度去 Underrate。就係今日 (8月25日)，Twitter 上流出一張紅軍喺 FIFA 19 裡面嘅數值。
(利物浦圖)
可能習慣咗被 EA 睇低兩三線多年，眼見費明奴 86、羅拔臣 81、法賓奴同雲迪克同艾利臣一同得 85，沙拿更是近年難得一見高踞 88，或多或少有啲受寵若驚。
我諗，其實大家撳入嚟都無乜興趣睇我寫乜，都係撳入嚟志在睇下啲數值… 咁我唯有留隻彩蛋係最後。
(其他球會圖)
可能 PES 2019 來勢洶洶，EA 亦不敢怠慢，而喺細節位上花咗更多心思。呢一樣嘢，可能係 FIFA 19 最為玩家受落嘅新設功能：
(最後一幅圖 – SM/WF(R/L)/FIT/CON)
就係喺 UT Mode 入面，以後用菇菇撥左撥右除咗睇球員嘅 Fitness/Contract、Chemistry、所屬球會及聯賽等，可以睇埋球員嘅 WF 同 SM。
