FIFA 19 新功能 —— 是向前進還是開倒車？ | 蔣美葉
FIFA 除咗每集有新聯賽、新球隊、新球場，亦偶有重大革新，如 FIFA17 加入 The Journey，讓玩家扮演 Alex Hunter 在球壇打滾，或是 FIFA18 在 Manage Mode 入面，洽談轉會時加入更多元素，令每一單轉會睇落都好似似咗啲咁（但相信唔少人經歷一次轉會窗後便直接 Skip 了那冗長而又乏味既單調嘅轉會談判過程）。
另外，每集 FIFA 喺細節位上亦有唔少增減。例如 FIFA 18 就增加咗射十二碼時，如果撳射波前已經較好方向，球員個頭會微微向該方向傾。另外，FIFA 18 在傳波上亦加入更多限制，令 FIFA 由一隻波子彈珠 Game 變返做足球 Game。
嚟到 FIFA 19，暫時未見有重大新模式加入，但已知為咗解決「小地圖」成日撞色嘅問題，喺 FIFA 19 索性會以兩隻唔同色嘅圖形代表主隊（圓形）同客隊（三角形）球員。至於確實顏色暫未有更多消息流出。
另外，詢眾要求下，FIFA 19 終於加入 Game Plan！
以往，調教一隊波只能夠從陣形 (4-3-2-1、3-5-2 等)，自訂戰術 (Custom Tactics) 同球員指示 (Player Instructions) 作簡單嘅調整（題外話，無論點調整都敵唔過 Handicap 同 Scripting），但 FIFA 19 加入 Game Play 後，就（聲稱）可以加入更多戰術同臨場調動，如賽前 Game Plan 像魚拉突一樣，入一球就有理無理即泊大巴，或者落後時立即轉陣。Game Play 可省卻每次遊戲中途都需要花時間去轉陣轉指示。確實，機迷對 Quick Subs 嘅讚譽，大巴大巴摑醒了 EA 終於正視機迷要求已久嘅 Game Plan。
另外，球員指示亦有新改革。以往，兩閘球員就只有兩項指示：1. 進攻走位（瘋狂插前、正常同留後）同 2. 攔截（積極、普通同保守）。但在現今足球對兩閘嘅要求越嚟越高嘅時候，咁單調嘅設定又邊夠真實？所以，FIFA 19 將增加更多球員指示讓玩家微調各球員嘅走位同進攻/防守嘅強度。已知兩翼會增設類似 ‘Pressure after loss possession’ 的指示，而兩閘亦會新增類似高位壓迫嘅防守指令。
另外，Custom Tactics 會作重大調整。相信唔少機迷在 FIFA 18 入面發現喺自訂戰術入面，無論防守寬度較幾窄都好，兩個中堅之間都經常會中門大開（更嬲嘅係經常「腿張開」任由個波碌過），俾人直線一劏就穿。同時，無論 Pressure 較幾高幾低都好，防守球員都經常佛系防守，唔壓迫、追追下唔追、唔出腳（但出手然後輸罰球）。所以針對上述兩點，EA「聲稱」自己從善而流。
不過，機迷又唔好太開心，即使戰術變化多咗，但 FIFA 18 最令機迷失望嘅始終係 Handicap 呢個問題（即發波瘟，有打開，特別係 UT 就一定會好深感受）。所以再多新戰術指示都好，Handicap 唔解決（先唔理 Scripting 個問題），FIFA 都係買返嚟每日一場起、兩場止，而唔能夠去返以往嗰種真係上網同人比併實力、不斷透過同人切磋求進步、突破自我嘅「電競遊戲」。
